رد: تعديل اللاده 1500
فعلا بلاش تعمل كده و شيل الفكره دى من دماغك خالص لأنها ببساطه هتبوظلك العربيه و انا شوفت صوره زمان لواحد عامل نفس الفكره و مغير الفوانيس و الشبكه و مركب 2105 و مش عايز اقولك العربيه شكلها و حش ازاى حاجه صعبه قوى و كمان الى مخليها مش راكبا على بعضها ان الكبوت بتاع ال1500 فيه حته بارزه فى النص و ده بيخلى التعديل الى انت عايز تعمله مش نافع خالص و شكله هيبقا و حش جدا
ده غير لو حبيت تبيع بعد كده مفيش حد هيعجبه الكوكتيل الى انت عامله و مش هتعرف تبيع
عموما احسن حاجه من وجهه نظرى فى العربيات دى و اكتر حاجه بتخلى شكلها حلو انك ترجعها لحاله الفابريكا يعنى سمكره و دوكو نضاف اوى و اكسدامات و طقم الجريد النيكل الى فى الجنب و الاشارات و الفوانيس و الشبكه كله جديد فى جديد و بالكتير لو عايز تضيف من عندك يبقا طقم جنط و كاوتش
و يا سلام لو تعمل نفس الكلام فى الصالون يعنى برضو ترجعو لحاله المصنع من غير ما تخلى حد يعملك فيه افتكاسات يعنى سروجى يكون محترف يعملك فرش زى بتاع الفابريكه الى بيكون قطيفه فى جلد ودواسه مكت جديده و لو الطابلوه مشقق هاتلك واحد استيراد و طبعا الكلام ده كله بيتعمل فى عربيه تكون اساسياتها نضيفه قوى و اعمل حساباتك فى الاول شوف الاكلام ده كله هيكلفك كام و بعد كده قرر و بالتوفيق ان شاء الله
__________________
سبحان الله و بحمدة
سبحان الله العظيم
|