المشاركة الأصلية كتبت بواسطة lord_diago
من ساعت ما اشتريت العربية وكان عندي صوت تزييق طول ما انا ماشي من الابواب الامامية ولما روحت التوكيل قولتلهم علية قام واحد قعد ظبط الابواب المهم الصوت راح شوية ..... 
العربية دلوقتي عاملة 15000 كم ابتديت اسمع صوت تزييق جامد جدا في الصالون لما اخد مطب علي العجلة الخلفية يميين كأن واحد ..هاتجنن ياناس  العربية بتزييق من ساعت ما جبتها امال لو جابت 50000 كم هتعمل ايه ..مش عارف اعمل ايع في التوكيل المرة الجاية لاني مش عارف الصوت جاي منين بالظبط ياريت حد يفيدنا بخبرتة مع العلم العربية موديل 2011 مانيوال. |
انا كان عندي نفس المشكله تقريبا بس المشكله الاكبر عندي كانت ان فيه زنه غريبه في التابلوه وفعلا صوت التزييق كان بيظهر عندي من الناحيه اليمين وخصوصا في المطبات دا غير اصوات بصراحه ماكنتش عارف هي جايه منين
المهم انا روحت التوكيل اللي في ابو رواش ودخلت علي قسم الهياكل علي طول وشرحتلهم المشكله وطلع معايا اتنين من قسم الهياكل عشان يسمعوا بنفسهم وسبتلهم العربيه وبعدها استلمتها زي الفل من ناحيه التزييق لكن الزنه اختفت وبتظهر لما بامشي في اماكن غير ممهده زي طريق ابورواش مثلا لكن بتروح لما اخد مطب جامد وهكذا