رد: بشرى عظيمه للأعضاء الكرام
ألف ألف مبروك يا أستاذ أيمن
عايز أقولك على شوية نصايح بما انى سبقتك بشهرين و كام يوم حيث ان أميرتى الصغيرة اتولدت يوم 18 مارس اللى فات
أولا : بعد الاطمئنان على صحة المدام و الولد لازم تأمن على دكتور أطفال يكون شاطر لأنك هتحتاجله كتير جدا - بعيد الشر طبعا - لكن لو كان نور هو اول أطفالك فهتكون نسبة القلق عليه عالية و هيتحول طبيب الأطفال لصديق عزيز
ثانيا : اطلب من كل أصدقائك انهم بدل ما يجيبوا نقطة يجيبوا كيسين بامبرز لأن جيبك هيوجعك بجد ... و أنصحك بالمامبرز الأخضر العادى لأن المستورد الأصفر مش أد كدة " و على فكرة أنا بتكلم جد جدااااااا "
ثالثا : فى التوحيد و النور هتلاقى سرير صغير كدة بيتفرد و بيتطبق و سعره مش غالى أوى " حوالى 260 جنيه " و بيستحمل بشكل كبير ... صدقنى هتحتاجه لأنك تقريبا فى أول أربع شهور مش هتعرف تنام تقريبا
ألف ألف مبروك و ربنا يخليهولك و يتربى فى عزك يا رب ....... و لولا انه أصغر من بنتى كنت حجزته ... لكن عموما ملحوقة
تحياتى
أشرف
|