المشاركة الأصلية كتبت بواسطة yahiaashraf
اولا اهلا بحضرتك فى المضوع و نورته بجد
بالنسبه لعربيه من 20 الى 21 الف عندك سوزوكى ماروتى موديل 2000 حتى موديل 2002 عندك عربيه اسمها جين التو ( اللى هى ماروتى الصينيه) او بيقولوا عليها اسمها سيتى سبريت او الربيدو2007 تعمل 23 الف انا شايف واحده على موقع فبريقه ب 23 الف
بس هى عاوزه وش نظافه و هى 2007 عربيه ممتازه ممكن تكسر ل 21 الف و لو عجباك هبقى اقولك عليها بمواصفاتها عندك كمان سكودا فيفوريت موديل 94 ب 20500 و عندك كما سكودا فورمان موديل 94 استيشن ب 22 الف ممكن تكسر فيها عندك كمان بيرودوا كانشيل موديل 98 ب 23 الف ممكن تكسر لان الاسعار دى مش نهائى عندك كمان لو عاوز حاجه جديده جيلى فروته هاتشباك 1100 سىسى ب 23 الف انصحك بالماروتى رقم واحد و بعد كده الجين التو او الماروتى الصينيه
لما ترد عليا قولى قررت على ايه و انا هدورلك و اقولك على حاجات من الموديل اللى اختارته للبيع و كل اللى هيبقى عليك انك تتصل بصاحب السياره تحياتى
|
ألف ألف شكر ليك علي ردك و إهتمامك
بص يا سيدي هقولك اللي كنت بفكر فيه و انت قولي رأيك
الأول قلت لنفسي أجيب فيات 128 و بالمرة أوفر مبلغ بسيط و لكن الحقيقة في نفس الوقت كنت بفكر
بالسوزوكي ماروتي فحاليا مش قادر أخد قرار وبيتهيألي رأيك أكيد هيفيدني كتير و خصوصا ان
خبرتي في مجال السيارات محدودة شوية
جزاك الله كل الخير لأهتمامك
بإنتظار ردك