كل سنة وانتم طيبين
ومعزرة اذا كنت مقصر معاكوا اليومين دول عشان انا بنزيني بيخلص في رمضان وصوابع الواحد بتبقي مكسلة
امبارح كنت جنب توكيل الرينو في الداون تاون في الاسكندرية قلت يا واد خش شوف اللوجان البلاك لين اللي بيقولوا عليها دي المهم دخلت اتفرجت لقيت الاتي
الاختلاف في 4 حاجات - هما 3 لو انت بتقارن موديل 2012 لان الكاست في العادي والبلاك لاين اتغير في موديل 2012
1- فرش العربية مختلف في نوعية القماش والتفصيلة - بس جامد احلي من العادي
2- مالتي تحت طارة الدريكسيون للتحكم في الكاسيت عن بعد
3- طارة جلد طبيعي شكلها تحفة
4- الكاسيت MP3 ومختلف في الشكل عن الموديلات القديمة 2010 - 2011 لكن واحد في ال 2012
بس هيا دي الاختلافات الوحيدة مع وجود الالوان زيادة عن العادية - علي سبيل المثال فية الاحمر مارلبورو في البلاك لاين لكن مش موجود في العادي
نفس الكلام ينطبق علي السانديرو - وباذن الله في خلال ايام حكون صورت الاختلافات ورافقها بالموضوع
ودي الصور يا شباب عشان يبقي موضوع كامل
