[lord_diago]

المشاركة الأصلية كتبت بواسطة memodina1 يا جماعة قلت قبل كدة المشكلة دى فى كل الفيرنا كل ما عليك انك هتعمل الاتى وهتشوف النتيجة اولا الابواب هتلاقى الكلبش بتاعها اللى موجود فى جسم العربية اللى عامل زى حرف u اللى موجود لكل باب عشان يقفل ولونة اسود عارفينة هو دا المشكلة انت هتجيب شيكرتون اسود نوعة امريكى 9 جنية وتلف لفتين على الحدوة دى مش اكتر من كدة لفتين بس بس وفى الاول هتلاقى الباب بيقفل بتقل شوية لحد ما يطبع على الشكرتون اعمل كدة فى الاربع ابواب وتوكل على الله التزيق راح 90 % منة طب 10% فين اقولك عارفحزام الامان شيل الفبر بتاعة هتلاقى مكنة الحزام من تحت خالص فك المكنة وسهل جدا طبعا فكها شيل الفرش لحد ما تقدر تشوف الصاج الحديد اللى تحت الموكيت هتلاقى فتحة كدة حط فيها شحم كتير دخل فيها شحم الجزء اللى تحت المكنة الحزام شحم كتير وحك العربية فى الشمس الشحم يسيح كلة ويتوزع على جوانب العربية من تحت والعتبة وكدة هتلاقى مفيش تزيق طبعا دور فى المنتدى هتلاقى الناس عملت اللى قلت علية التزيق راح بس اهم حاجة هى الخطوة الاولى بس قولى عملت اية ولو الخطوة الاولى ضيعت التزيق بيقى بلاش التانية لحد ما تسمع تزيق تانى واعمل الخطوة التانية ودا عيب تقفيل فى الجزء دا لانى بتيجى مفتحة عشان يعرفوا يشتغلوا فيها المصريين ويقفلوها وبعدين الجزء اللى تحت مكنة الحزام فى الاخر خالص بيقوم فنى مصرى ببعض اللحامات ويقفل وهتلاحظ اللحام لما تفك وطبعا عشان مصرى مش بيعرف يلحم كويس امر عادى فبعض اللحامات الحديد مع الفرامل والمطبات بيفك شوية او يشرخ سنة بسيطة وهنا مربط الفرس احديد يزيق مع التفكيكة دى التانى بقى الابواب بيكون فيها كوتشة فى القفل روح كدة بص عليها هتلاقيها دايبة وظهر جزء معدنى اللى تحت الكاوتش الجزء دا بيحك مع الحدوة بيعمل احلى تزييق عشان كدة شكرتون على الحدوة هيمنع وقولى عملت اية

الف شكر ياباشا علي الرد ....واكيد هجرب ان شاء الله واقولك النتيجة بس كنت عايز اعرف منين اجيب الشكرتون الامريكي ده ؟؟