رد: ايه راى الناس فى 6 ابريل وفى البرادعى
حرام واللا حلال
انتوا شعب مش بييجي غير بالكرباج و حرام عليا حرقة دمي علشان نفسي اشوف بلدي زي الدول المتقدمة
ملحوظة صغيرة: الجيش هو اللي ماسك البلد من 60 سنة - ايه الانجازات؟ سياسيا - اقتصاديا - علميا - صناعيا - تعليميا - صحيا - بيئيا - دينيا - اخلاقيا؟
انت فكرك ضابط جيش جاي بالغصب عنك حيكون قلبه عليك او خايف من المسائلة؟ حيلاقي اللي حيطبله و يقوله هشتكنا و بشتكنا يا ريس - و ردودك وضحتلي ان الموضوع ده محتمل بصورة كبيرة
ازاي رئيس جاي بالعافية و الشعب بيطبله حيخاف من المسائلة و يراعي ضميره؟
الشؤال بقى
انت عارف ان بعد رتبة عقيد مفيش ترقيات بالتقادم و الترقية لعميد او لواء او اركان تبقى بالاختيار؟
و ان الاختيار بيكون عن طريق تقارير المخابرات العسكرية و مصدق عليها من القيادة السياسية الحاكمة ( بلفظ تاني ان كل العمداء و لواءات الجيش و الشرطة حاليا تم اختيارهم بناءا على موافقة حوستي مبارك و رجالته لاشخاص وجد فيهم الولاء و الطاعة العمياء و الرضا بالوضع الموجود و قبول السكوت على الظلم و الفساد بل و المشاركة فيها (اللا من رحم ربي ) و ده اللي ضمن بقاء الزفت المخلوع 30 سنة بحالهم برغم بشاعة اعماله و الفساد اللي كان مغرقه
و لو مش مصدق يبقى تسأل الاول
و يا ريت بلاش تهاجمني لشخصي - انا بتكلم برأيي عن وضع قائم بعيد عنك - لاني لا اعرفك سواءا كنت شخص كويس او سيء
انت قلت ان البرادعي عميل و ده كلام فلول الحزن الوطني - عندك دليل اعرضه - معندكش للمرة الثانية رجاءا لا تهين الطرف الاخر
شكرا
|