[mr_astra]

تجربة عملية حدثت معايا
كنا بنشترى عربية بتاعة واحد معاش قوات مسلحة بس دؤرم
العربية دى بقالها سنين وانا شايفها ركنة عند البيت عندى
واحد اعرفة راح يشتريها وهما بيتفقوا زميلى بيقولة يا حاج دى لسة عاوزة بطارية
رد علية الدؤرم وقالة لا هاتشتغل
طبعا انا غرزت فى الحوار وقلتلة هاتشتغل اية يا حج دى لا يمكن تكون سليمة
قال تراهنو
ماشى
حطنلها مية نار تركيز 30 ومن غير حتى ما نشحنها ...... دور العربية دارت
بصتلة بزهول
طب انت اية اللى خلاك متاكد ان البطارية هاتدور
قالى دى من كتر ما كنت بروح الجيش وبقعد هناك بالشهور وارجع طبعا مش بالعربية دى بعربية تانية
طب يا عم الحاج بتعمل اية عشان تحافظ على البطارية
قالى لا اطلبلى واحد شاى وادينى سجارة من معاك وانا اؤلك
يا عم حاضر وهاغنيلك كمان بس قول
قالى انة قبل ما يشيل البطارية يخزنها يعنى يشغل النور العالى الكبير لغاية اما لبطارية تفضى تماما
وبعدين يفرغ منها مية النار ويغسلها بمية حلوة
ويفرغها من مية الغسيل ويقلبها على الصوابع بتعتها
واما يجى يشغلها يادوب يحط مية نار ويشحنها شوية او تزق العربية وتخلى الدينامو هو اللى يشحن
دلوقتى انا قلت على الطريقة مين بقى هايحسبنى على المشاريب اللى طلبتهالة