رد: خواطر شعريه
غربتى ف بعدك
------------------
جوه ف قلبى حنين مالوش حدود
وحب جارف بسنين عمرنا ممدود
ما أنت السكن
عشق الوطن
حب السنين
فرح وأنين
مهما قسوتك زادت
برضه جنة عدن
لو أرضى بى مادت
لو جسدى اتسجن
حتى سنينى اللى فاتت
لكن باقى لحن الشجن
ف الشوارع ف البيوت
ف الصحارى وف الشطوط
حبك ف قلبى لن يموت
وصوتى ف حلقى بعد السكوت
صارخ بحبك من غير حدود
رغم البعاد
وكل اللى فات
أنتى الامل وباقى الزمن
قلبى من زادك شحن
على حضن دمعى بأنام
مع خوفى م الايام
مشتاق لحضن هواك
ليوم بعيد ألقاك
واعيش حقيقة مش أوهام
وكابوسى يتحول أحلام
جايلك وكلى حنين
أداوى جرح السنين
__________________
|