رد: حلقات (جريمة كل يوم) ألغاز بوليسيه مسلسلة
الحلقة الخامسة عشرة
-------------------------
من سرق اللانسر ؟
***************
تمت ترقيه العقيد دهب الى رتبة العميد وانتقل ليكون مديرا عاما لادارة المباحث00
وتم اختيار النقيب جوهر ليكون مساعدا للمقدم فضة00
وفى اول قضية تفوق النقيب وبانت قدراته الممتازة على حل ألغاز الجرائم
وفور التحاقه بالقسم كلفه المقدم فضة بحل قضية سرقة سيارة الاستاذ حاتم
كان الاستاذ حاتم قد اعتاد على ترك سيارته امام المنزل منذ عامين ولكن فى هذه الليله وقبيل الفجر تمت سرقتها وبسؤال الخفير أفاد بان هناك ثلاثة أشخاص رآهم فى الشارع قبل اختفاء السيارة بساعة تقريبا
وبسؤال الثلاثة00
الاول بدر الفران قال:
-انا سعادتك كنت رايح الفرن زى كل ليله ووقفت فى الشارع شوية00استنى الواد محسن صاحبى عشان نتفق على مشوار رايحينه النهارده
-مشوار ايه؟
-كنا مسافرين المنصورة ف شغلانه تخص الورشه بتاعته
-وبعدين؟
-هوه سعادتك مطولش ولما جه مشينا على طول
-انت متهم بسرقة سيارة الاستاذ حاتم
-انا ازاى يابيه00 ده اللى بيقرب منها بتلم عليه الشارع
وبسؤال الثانى00
عماد عاطل قال:
-انا سعادتك معتاد على شم الهوا مع نفسى كل يوم قبل الفجر00وباجيب الشارع رايح جاى
-ايه السبب؟
-خنقه سعادتك00معنديش حاجه اعملها
كل يوم ارجع من القهوة ومبقاش عايز اروح البيت أقوم الف لى لفتين
-قعدت قد ايه ف الشارع
-مش كتير يدوب لفيت لفتين وطلعت البيت أصل الجو كان مبرد حبتين امبارح
-انت متهم بسرقة عربيه الاستاذ حاتم
-انا!!
محصلش سعادتك00ياريتنى كنت اعرف اسرق مكنش ده بقى حالى
وبسؤال الثالث محسن الكهربائى
قال:
-انا سعادتك امبارح نزلت الشارع00قبل الفجر على طول ورحت أصلى الفجر00
-لكن محدش شافك فى جامع الشارع
-آه00أصل انا بصلى فى جامع تانى جنب الورشه بتاعتى
-انت كنت مسافر النهارده؟
-لا00اسافر فين؟
-ايه علاقتك ببدر الفران؟
-اصحاب سعادتك
-اتقابلتوا امبارح
-آه سعادتك
-أمتى؟
-بعد العشا بساعتين على القهوة
-انت متهم بسرقة عربية الاستاذ حاتم
-انا ازاى
لا طبعا00هوه فيه حد يعرف يسرق الحديث ابو جهاز انذار
وبعد مراجعة أقوالهم تبين النقيب جوهر من السارق وقدم تقريره للمقدم فضة الذى سعد به وهنأه على براعته
الى اللقاء فى الحلقة القادمة
__________________
|