رد: تقرير و لا اروع عن هيونداي النترا الجديدة
نفسنا فعلا في مواضيع بالحجم ده و الضخامة ده .. و استغل الفرصة يا جماعة انا اوجهلكم كام سؤال كده
دلوقتي انا مقبل على شراء النترا و معايا في حدود 130 الف .. ايه رأيكم ؟؟ في الاغلب هاجيب الاوتوماتيك
ال فيها ال abs .. هل انتم شايفين خيارات احسن ؟؟ و سمعت عن الخليجي ال فول اوبشن ال فيها جي بي اس
و كل حاجة تقريبا ب 148 الف .. بس كده تبقى غالية عليا و بعدين الضمان مافيش و الصيانة مجهولة
و واحد قالي في التليفون ان عنده ال فول اوبشن الخليجي ب 142 و فيها كل حاجة و ممكن يديهاني على
138.5 .. و للاسف نمرته ضاعت مني و بيني و بينكم اشك انها نفس العربية ال 148
و بعدين شفت اعلان ال فوكاس و فكرت فيها بس بعد موضوع الاخ قناوي و ان الالنترا فازت على ال فوكاس
بتاعت 2012 في امريكا ابتديت اراجع نفسي .. مع ان ال فوكاس فيها شوية مميزات جامدة جدا منها مثبت
سرعة و نظام مانع للسرقة و افلام كتير اوي و بعدين مكونات امريكي و تجميع اسباني .. الفوكاس غيا تمنها
140 بعد ماكانت ب 160 و هي على فكرة موديل 2010 بس تقريبا فيها كل الامكانيات .. و مكتوب على
صفحتها انها بتعمل ب 1.7 لتر 100 كيلو !!!!!!! معقول و لا يكونو غلطانين و السبعة مكان الواحد ؟؟
اما بالنسبة لقطع الغيار بتاعة فورد الفوانيس 650 ل 750 و التيل الامامي 450 و الاسعار غير شاملة
الضريبة .. فكركم اسعار قطع غيار الالنترا الجديدة هتكون عاملة ازاي و خصوصا اني حاسس ان الحتة
ده فيها تعتيم و كل ماتصل بالوكيل يقولي هنتصل بيك و لا الهوا و كلمتهم كذا مره و زي ما يكون بتهربوا
مني
|