أسئله فنية متنوعه
1- فى ناس كتيير وخصوصا من ( السعودية ) بتقول انه الافضل للعربيه اول لما تركبها انه تشغل التكيف بعد تسخين العربيه مباشرة والعربيه ثابتة قبل لما تتحرك مش وانت ماشى لانه ده بيبقى حمل على الموتور الافضل ياخده الاول وبعد كده تدى الغيار وتمشى ؟؟
2- الاضافات اللى بتتحط من خلال تانك البنزين اللى بتتباع فى البنزينه دى , سواء لتنضيف دوره الوقود او للاستهلاك الامثل للبنزين. مع العلم انها جامده جدا عن تجربه شخصيه وبتوفر فى البنزين بتاع 40% على الاقل بس بعد تفولتين تلاته كده بترجع الحاله اسواء من الاول هل الاضافات دى حاجه حلوه للموتور بيستفاد منها ولا ليها اثار جانبية على المدى البعيد ولو مفيده للموتور تنصحو باى نوع عشان فى بتاع الف نوع ؟؟
3- فى طريقه تجيب بيها التوب سبيد بتاع العربيات المانيوال 16 فالف او حتى 12 فالف سمعتها من صديق استرالى ولا اعلم مدي صحتها .
هى كلها فى نقلات الفتيس الغيار الاول تجيب بيه 20 عادى خالص والتانى 40 عادى خالص والتالت 60 عادى خالص وبعدين تجيب الخامس من ستين براحه جدا مع مراعاه عدم تعليه صوت الموتور يعني دوس بشويش لحد ما تجيب 120 وبعدين تجيب الرابع وتمشي عليه شويه صغيره وبعدين تجيب الخامس تانى . الطريقه دي غير الحرق المستمر على كل غيار وبدون اجهاد للموتور وقالى كمان انه هى دي افضل طريقه لتفتيح البساتم للعربيات الجديده بعد فتره التلين . مع العلم انى جربتها ومش عايز اقول انى مصدقتش عربيتي اللانسر ال1600 مانيوال موديل 2008 تجيب السرعه دي عديت ال 210 بس اللى لحقت اصوره اهو
4- سؤال اخر معلش معارض السيارات بتبيع عربيات اللانسر السوبر اكشن وبتقول انها عفشه رياضية ده من المميزات الاساسية للعربيه مع ان التوكيل بيقول انه مافيش عفشه رياضية ولا حاجه كله واحد اللانسر الكلاسيك زى السبورت زى السوبر اكشن هل العربيه فعلا بيها عافشه رياضية ولا فى ناس بتخدع عشان تبيع .. ما مدى صحه المعلومه ؟؟