[AbOnOrA]

اما بالنسبة لان العربية نجحت فمعنى كده ان البلد مليانة فلوس فده اكيد قياس غير دقيق بالمرة لان اصلا اجمالى عدد السيارات المباعة فى تناقص من ساعة الثورة وبنسب كبيرة فعلاً
وده كمان اثر على سوق المستعمل وبرضو البيع والشراء قل جامد من بعد الثورة لكن الاسعار زادت برضو علشان الاقبال على المستعمل مقارنة بالجديد زاد لان البنوك وخدمات التمويل والتامين هى كمان تضررت من الازمات المالية المتعاقبة دوليا ومحليا

فالوضع طبيعى بس هى زى ما حصل للسيارتو وقبلهم كتير من العربيات لسه نازلة جديدة فالاضواء مسلطة عليها اكتر

وبعدين من كل اللى بجيب الالنترا او غيرها معاه ال 120 ولا ال 130 فى جيبة الورانى الشمال ومش عارف يصرفهم فين فقال اجيب الالنترا
الموضوع ان فيه ناس بتبيع اللى معاها وتشترى احدث او ناس بتشترى لاغراض تجارية زائد الناس اللى بتشترى بالقسط زائد اللى عندة وديعة وبيقسط بضامنها وفيه نماذج كتير فمش كل واحد يجيب عربيه جديدة يبقى عندة كبارية ومن فلول النظام ومهرب وكل الحاجات ديه لان اللى شغالين فى الحاجات ديه برضو مش هيركبو عربيات ب 120 و 130 الف فيه عربيات بملاييين وبانصاص ملايين وارباع ملايين انسب ليهم مش النترا 2012 برضو
اعتذر عن الاطالة وتحياتى وتقديرى لاراء كل المشاركين فى الموضوع