[تامر ديزل]

المشاركة الأصلية كتبت بواسطة koashraf الاستاذذكى طبعأ مايعرفش يعمل أى حاجه من دول لوحده فقرر الاستعانه بصديقه وزميله فى العمل الاستاذ بيومى الى قاله بس كده غالى والطلب رخيص بكره تصحى بدرى من النوم قبل المدام وتقابلنى وسيب الباقى عليا......بس اسمع اوعى تقول لحد انت رايح فين ...اه وكمان اعمل انك نسيت الموبايل عشان محدش يزعجنا..... يتبع.......

هوه بيومي
مافيش غيره اللي ممكن يعمل كده
بس الاول وقبل ما عطيات دماغها تروح لبيومي والكلام ده عطيات قعدت تدور ف البيت وفتحت البلكونه يمكن يكون الراجل واقف تحت ف الشارع ولا حاجه
وبعدين قالت لنفسها دلوقتي ييجي هوا هايروح فين يعني ؟
بس لما اشوفك يا زكي ( .....) وقعتك سودا بتخرج من غير ما تقولي ؟
وف الوقت اللي كانت عطيات عماله تسن سنانها علشان تطبق بيها ف زمارة زكي لما يرجع كان زكي وصل عند بيومي صاحبه
بس زكي ما كانش عايز يغير جو يوم ولا حاجه لا زكي كان بيفكر في حاجه اكبر من كده
بيومي : انا بقى عملتلك النهارده بورنامج شامل كامل متكامل
زكي : ياراجل
بيومي : احنا هاننزل دلوقتي نروح عند جاد بتاع الفول نفطر ونظبط ونشوف لنا قهوه نضرب شوية حجره ( جمع حجر ) وعيش يامعلم وهناك هاقولك على بقيت البورنامج
زكي : بيومي اناعاوزاطلب منك طلب
بيومي : اؤمرني ياابوالزيك عينيا
زكي : اوعى اوعى عطيات تعرف ان انامعاك اوكنت معاك
بيومي : ياعم افتكر لنا حاجه عدله وبعدين انت مش اخر النهار هاترجع لها ؟ابقى قولها اللي انت عاوزه وماتقولش اللي انت عاوزه ولا انت ناوي على ايه بالظبط فهمني ؟
يتبع