المشاركة الأصلية كتبت بواسطة borio1704
لو عرفنا أصل الموضوع نعرف المشكلة جاية منين...
السايبا هي في الأصل كيا برايد، وبدأ تصنيعها في إيران من سنة 2001
الكيا برايد أصلا كانت مازدا 121، وبدأ تصنيعها في كوريا من سنة 1986 لحد سنة 2000، واتصنع منها جزء في مصر اعتبارا من سنة 1998
المازدا 121 نزلت السوق أول مرة سنة 1986 برضو بس وقف سنة 1990 عشان فيه موديل جديد نزل من الـ121... وده موجود في شوارعنا
دي صور للمازدا 121
 
أكيد ملاحظين إنه تقريبا مفيش فرق غير الشبكة واسم الشركة
باختصار.. اللي بيشتري الكيا برايد .. أو السايبا هو في الحقيقة بيشتري عربية عمرها 25 سنة
يعني عربية معمولة بفكر وهندسة 25 سنة فاتت
يا استاذ osos medo
تفتكر... لو انت حقيقي عايز تشتري عربية حديثة.. تفكر فيها؟؟
لو عايز تركب عربية باربع عجلات واربع كراسي ودركسيون وبس.... مش حتفرق معاك إذا كنت حتجيبها جديدة ولا قديمة... عالزيرو ولا مستعملة... بتاكل بنزين ولا موفرة... لما تركبها حتآمن على نفسك فيها ولا ركوبها مغامرة... مريحة ولا لازم لما تسوقها تروح تستريح في البيت... بتلاقي فيها أماكن تشيل فيها حاجتك ولا لما تعوز تحط موبالك فيها ماتلاقيلوش مكان... شكلها على ذوقك ولا أي صندوق صاج والسلام
وهو ده اللي بيخللي العربيات الجديدة أغلى
من وجهة نظري... ليه أدفع فلوس عربية زيرو في عربية قديمة مادام ممكن أجيبها مستعملة بربع السعر؟؟؟؟
... |
الفكره كلها في سعر العربيه دي كانت ب 45000 اللي فيها تكييف و باور و السعر ده مقدرس اجيب بيه زيرو غير الماروتي اللي من 1996 او قبل كده و مافيهاش اي نوع من الكماليات او اللاده اللي نفس النظام مع شكل والعياذ بالله .
اما نيجي نتكلم عن سياره بالسعر ده فاحنا دخلنا في شريحه اي صندوق و خلاص فاعتقد امها افضل الصناديق علي الاقل مكيف
اما بالنسبه للي موجود دلوقتي فهو موديل 2009 و منغير اي كماليات و ده موجود ففي الوكيل اللي في عباس العقاد نلشونال موتورز و كان المفرود ان الموديل الجديد ينزل في شهر 1 اللي فات لكن منزلش بسبب احداث الثوره و كده .