تويوتا 2008 مستعملة ولا نيسان صنى 2011 زيرو ؟
سلام عليكم يا أعضاء المنتدى الكرام
دى أول مشاركة لى فى المنتدى وبصراحة مشاركاتكم الرائعة فى المنتدى هى اللى خليتنى أشارك فيه
بفكر أشترى عربية فى حدود سعر 100 إلى 110 ألف جنيه واحترت بين كذا عربية زى ميتسوبيشى لانسر ، كيا كارينز ، نيسان ليفينا ، نيسان صنى
أو
تويوتا كورولا مستعملة
كنت أفضل انى أشترى عربية زيرو عشان تقعد مدة حالتها كويسة
وعايز عربية تستحمل أسرة ، وتستحمل المطبات الحلوة اللى فى مصر
بعد السؤال بفكر فى اختيار من 2 :
أشترى نيسان صنى 2011 زيرو - سوبر صالون ( بحوالى 100 الف من موقع contact cars ) (أو أشترى 2012 إذا كانت موجودة)
ولا أشترى تويوتا كورولا 2008 ولو تويوتا مستعملة تنصحونى أحكم عليها ازاى إذا كانت كويسة ولا لأ واقصى حاجة تكون عاملة كام كيلو ، وموضوع التقفيل الجنوب أفريقى ده فيه مشكلة ؟
منتظر آرائكم
شكرا
|