رد: خواطر شعريه
حبيبتى على الرصيف
*****************
على الرصيف صورة
جميلة لكن مكسورة
ف عنين الضى مشطورة
وش الندى على زهور الربيع
ضحكتها م القسوة على الخد بتضيع
والدمعة ف العين مسطورة
والايد على الخصر مجبورة
مين تكونى يا وجه الوديع
فين آلاقى زى نورك
ويا الجمال البديع
عايز أحطم سورك
وأخطف صورتك
أجرى بيها عل البيبان
وأهيم ف الشوارع
وأسأل كل انسان
مين تكونى؟
يااللى ملكت عيونى
ومليتى الزمان
نورتى المكان
بحب00 هدم كل الحيطان
اللى بنيتها
وحررت نفسى من العميان
وبشوف جمالك بعين فنان
ياريت تقربينى
ونقرب المسافات
عشان أعوض بيكى
كل اللى فات
حرام يضيع العمر
وينصطدم قلبى
اللى عاد بعد ما مات
د0تامر محمد/الشرقيه/
مارس /1999
__________________
|