الموضوع
:
بصراحه هل تحب مبارك ؟؟؟؟؟
عرض مشاركة واحدة
#
20
27-08-2011, 11:59 AM
corsair
Guest
المشاركات: n/a
رد: بصراحه هل تحب مبارك ؟؟؟؟؟
المشاركة الأصلية كتبت بواسطة albarbary
أولاً أنا لا من أبناء مبارك ولا منتفع ولا الكلام الفاضى دا ولا كنت عضو فى الحزب الوطنى ولا فى أى حزب من الأحزاب
ثانياً أنا واحد ضد فتنة 25 يناير
ثالثاً ممكن كاتب الموضوع يقولنا هو عمل إيه لبلده هو أو أى حد من اللى كتب تعليق كله كره ؟
ولا أى حاجة
احنا شعب لا يقدر قيمة الوقت ولا يقدر قيمة العمل وبنحب دائماً ان احنا نعلق أخطائنا على الحاكم و دا مش كلامى دا كلام الدكتور أحمد عكاشة فى كتاب تحليل الشخصية المصرية
و محدش يقولى أصل الرواتب قليلة و الكلام الفارغ دا
لأن العمالة المصرية مشهور عنها الكسل و التزويغ و البلطجة فى الدول العربية رغم انهم بياخدوا فلوس كويسة
رابعاً الكلام دا جملة و تفصيلاً فيه انكار لحقائق
منها أن مبارك لا شك كان شخص متميز ملتزم مجتهد فى عمله و ترقى فى الرتب العسكرية حتى وصل إلى قائد سلاح الطيران و سلاح الطيران تحت قيادته قدم للعالم ملحمة عظيمة فى حرب
اكتوبر ، حسنى مبارك شخصية عسكرية لا غبار عليها
خامساً حسنى مبارك تسلم مصر و هى فى حالة يرثى لها بعد ما عبد الناصر الله يرحمه دخل البلد فى كذا حرب لم يربح منها ولا حرب واحدة
و انتهت بالاحتلال الاسرائيلى لسيناء
كانت البلد فعلاً مدمرة حتى نصر اكتوبر
وبعد اكتوبر البلد كانت مهلهلة اقتصادياً
حسنى مبارك استلم البلد خرابة
قرى كتير لا كان فيها لا كهرباء ولا مياه
الوقت الأغلبية العظمى من قرى مصر و صلها كهرباء و مياه
مش كان عندنا شبكة طرق أصلاً أقام شبكة طرق وفقاً للإمكانيات المتاحة
فى آخر عشر شنوات فقط من حكم حسنى مبارك كان عندنا 49 ألف مصرى حصلوا على الدكتوراة غير الحاصلين على الماجيستير
و سيبكم من الكلام الفاضى دا و كل واحد يشوف شغله و قبل ما يحاسب غيره يحاسب نفسه الأول هو عمل ايه لنفسه و لبلده
سيادتك بتتكلم علي اني عملت حاجه لبلدي زي ما هو عمل انا ليا الشرف اني اقعد في بيتي ومعملش حاجه احسن من اني اخدم بلدي ببيعها لليهود وبيع مية النيل لدول المنبع بتعليمات من اسرائيل ومن اني اخدم بلدي بأفشاء مرض السرطان والالتهاب الكبدي الوبائي من المبيدات المسرطنة ومية المجاري اللي كنا بنشربها يا ريت حضرتك متخلانيش افتحلك في كلام لانك لو بتعرف ان الحسنة بتخص والسيئة بتعم مكنتش قولت الكلام ده ويا ريت بس تعرف ان حرب 73 مكنش حسني بيحارب فيها لوحده في ناس ادمرت في الحرب ديه ومخدتش حقها لحد النهارده يا ريت سيادتك تقولنا انتا عملت ايه لبلدك بدل ما تقولي انا