الفكرة جميلة و الروح حلوة بدون شك
بس
لو الشركة لها توكيل رسمي هنا في مصر موش هتبعيلك
ده من شروط الاتفاق بين الوكيل و الشركة الام و مفهوش هزار و لو رحت و قلت لهم انا عايز الف عربية ..هيقابلوك بكل احترام و يقولولك احنا عندنا وكيل في مصر وروح اشتري منه
الحل في موضوع زي ده انك يا اما تشتري من وكيل تاني في بلد تانية زي ما الناس بتوع الخليجي بيشتروا كده و دول على ما اظن ربحهم بيبقى قليل ... و التوكيلات موش راحماهم و العربيات دي ملهاش ضمان و العربيات دي غرقانة في البحر و كلام من اللي انت عارفه
او حل تاني انك تشوفلك واحد ياباني (لو هتشتري من اليابان مثلا) يشتري العربيات و انت تشتريها منه و تسستلمها و تشحنها و تدخلها و تجمركها و تضمنها على مسئوليتك الشخصية و دي حوارااات يا معلم
و متنساش انك محتاج الربح علشان تصرف على الناس اللي هتشتغلك الحاجات دي
مخلصين جمارك و مهندسين و بايعين و معارض و ضرايب و قصص
الفكرة جميلة بس عايزة دراسة متأنية
و تقبل سلامي
