السلام عليكم ياجماعه
في موضوع مهم جداا عايز اخد رايكم فيه وهو رايكم في صنيعيه التوكيل بصراحه رايي الشخصي انهم مش اكفاء لان الصنيعيه في التوكيل بيشتغلو بمرتب شهري ودائما وابدا بيكون اقل من الدخل الخارجي بس ده في حاله لو هو صنيعي شاطر واكيد كلكم فاهمين قصدي لان والهي انت بشوف صنيعيه بتاخد في ورش بره اكتر من 100 جنيه في اليوم غير الاكراميات بس لانهم شطار ده غير اللي بيفتحو ورش واذكر علي سبيل المثال في واحد بتاع عفشه في منطقه الكيت كات في امبابه الراجل ده دكتور عفشه بس مشكلته في الزحمه وعنده صنايعيه ممتازه اسمه احمد سوسته مره روحت له كنت معدي الرصيف بالعربيه علي سرعه جامه والهي اكتر من 120 المهم العربيه اتدمرت من تحت الراجل ظبطها وروحت كشفت كمبيوتر علي العربيه تمام
وفي واحد بتاع شيروكي عند سور مجري العيون ميكانيكي اسمه محمد شروكي بيقال عنه انه مافيش حد في التوكيل زيه
وفي ناس كتير كده
مش معقوله ناس زي دي تقفل الورش بتاعتها وتروح تشتغل في التوكيل
انا بتهياء لي اللي بيشتغلوا في التوكيلات الصنيعيه النص كم بدليل شوف شغل السمكره والدوكو بتاع التوكيل وخصوصا منصور
مستني ردودكم ورايكم انا مجرد فتحت موضوع للنقاش ارجو الاضافه من خبرات حضراتكم
وشكرا