رد: بالله عليكم قولولى هيونداى اكسيل ولا سكودا فيليشيا ولا سوزوكى سويفت
اولاً اهلاً بيك فى مصر موتورز ويارب تلاقى العربيه المناسبة ليك ان شاء الله
النصيحة الاساسية اللى بننصح بيها كل المقبلين على شراء المستعمل هو انة ينسى الماركات ويختار على حسب الحالة
يعنى ممكن تلاقى سكودا حالتها 90% واكسيل حالتها 60% او العكس خد اللى حالتها افضل وسعرها مناسب ايا كان النوع
بمعنى تانى طالما فيه فرق فى الحالة لصالح عربيه على التانية تبقى هى الافضل والمقارنة بين عربيه والتانية متصحش الا لو الاتنين بسعر واحد او حالة واحدة ده اولا
ثانياً مفيش عربية كاملة على الاطلاق ومفيهاش عيوب واكيد كل عربيه من التلاتة فيها نقاط قوة ونقاط ضعف
علشان كده بنقول مفيش عربيه هى الافضل على الاطلاق لكن فيه عربيه هى الانسب لحضرتك او لى او لغيرنا من الناس
اذن حضرتك تحدد اولوياتك وطبيعة استخدامك الاول وتقارنهم بنقاط قوة وضعف كل عربيه علشان توصل للانسب بالنسبالك
فمثلا لو لقيت فليشيا حالتها جيدة جدا ومش محتاجة مصاريف وانت استخدامك مش كتير وطريقك اغلبة مش مكسر وسليم تبقى هى الانسب
ولو لقيت اكسيل حالتها جيدة جدا واستخدامك كتير وبالتالى هتحتاج صيانة دورية وقطع غيار اكتر والطريق مكسر جيب الاكسيل لان عفشتها مرنة اكتر من الفليشيا
عموما انصحك بالاكسيل ال 1500 برضو والراى النهائى ليك بعد تحديد اولوياتك والنظر فيما هو متاح امامك من سيارات للبيع بحالات واسعار مختلفة
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|