[esam_comm]

السلام عليكم
حبيت اتكلم معاكم واحكي لكم تجربتي فعلا الماساويه مع العربيات دي
الفكره جات لي في 2005 ورحت مشتري عربيه سكودا فيفيورت موديل 94 وطبعا خلصت كل فلوسها علشان امشي في السليم وربني وفقني واشتريت عربيه كانت بالكتالوجات وعددها عامل حاجه واربعين الف كيلو وكانت ممتازه المهم اني بدات استخدمها لاحظت انها فيها حاجات متغيره عن العربيات اللي زيها في مصر العدادات والصالون حتي شكلها الخارجي المشاكل لحد دلوقتي لسه مابداتش المهم لاقيتها بتسخن جدا طبعا قعدت ادور علي الحل وجدت الشبكه الاماميه مقفوله روحت غيرتها استيراد ودفعت لي 150 جنيه مش مهم وغيرت الريداتير وعملت واحد نحاس 2 ماسوره معتبر لسه بتسخن شلت الثرمستور من كوعه المياه بتاعت الطرمبه هاسيبكم تشوفو الصوره

دي الصوره بتاعه العربيه المستورده





شوفتو الشبكه الاماميه مقفوله ازاي!!!!!


هاوريكو الصوره بتاعت العربيه اللي بتنزل مصر




لاحظتو الفرق؟
وعي فكره دي حاجه واحده بس والهي لو صور العربيه دي منتشره كنت وريتكو ملاين الاختلافات
مره ماستر الفرامل ضرب والهي والهي غيرت الطنبوره كلها بواحده استيراد علشان مفيش منه جديد وقبل كده الاكره الداخليه للصالون اتكسرت بتاعه باب مالقيتش ليها جديد خالص وفي الاخر روحت صبتها المونيوم والهي ماصدقت لما خلصت منها ومافيش احسن من العربيات اللي بتنزل مواصفات شرق اوسط واوعي تجيب الاوروبي والهي فرق كبير كل همهم ان العربيه تسخن وبيحطوا مانع لتجمد المياه في الريداتير علشان العربيه تسخن علشان يعرفوه يستخدموها نظرا لدرجه البروده عندهم اما احنا فالعكس تمام عايزين عربيه يكون تبريدها عالي علشان ظروف الجو عندنا
ارجو اني ماكنتش طولت عليكم وارجو اني اكون افدت
شكراااptmnlo123per122