اول طلب ليا يا شباب فى المنتدى بخصوص قطع غيار لانسر بومه
السلام عليكم ورحمة الله
كيفكم يا شباب المنتدى
الحقيقه اول مره اكتب موضوع هنا وانا متعشم الاقى الفايده عندكم ان شاء الله
عندى لانسر بومه 1600 مو 2007 استخدامى ليها معقول ومريح الحمد لله وعامل حوالى 50 الف كيلو بس للأسف مش بعمل صيانات غير تغيير الزيت والفلتر وبستخدم شل الترا بديل موبيل 1 غير كده اخر صيانه عملتها من 20 الف كيلو كان فيها تغيير بوجيهات وتربيط عفشه وفلاتر
المشكله الكبيره انا من اسكندريه وحبيت الاقى مكان مضمون اشترى منه قطع الغيار رحت صلاح الدين لقيت دار الافتاء فى مجال قطع الغيار
مثلا فلتر البنزين تمنه فى التوكيل معروف انه حوالى 600 جنيه الاقيه هناك ب 120 ولا 150 لما اسأل انا عايز الاصلى يقولى ده اصلى اقوله زى اللى فى العربيه فابريكه يقولى ده زيها لما اقرص فى السؤال اكتشف انه زيها عنده يقصد بيها بديل ليها لكنها مش اصليه اوريجينال فابريكه
واحد تانى يقولى هو ده الاصلى والتوكيل بيركب زيه ويسرقكم وبياخدوه منى وانا عارف ان التوكيلات حراميه فعلا بس مش قادر اصدق ان ده هو ده
تيل فرامل وطنابير كله بنفس الطريقه
ارجووووووووووكم محتاج اشترى قطع الغيار الاصليه الاوريجينال زى اللى راكبه فى العربيه الفابريكه بس اكون متطمن لها عشان عايز اعمل صيانه شامله
بتعبكم معايا يا شباب ومتشكر لكم جدا مقدماً
التعديل الأخير تم بواسطة AbOnOrA ; 03-09-2011 الساعة 11:53 AM
سبب آخر: اضافة توضيح للعنوان
|