[asom_6]

المشاركة الأصلية كتبت بواسطة alaa ameen أنا بصراحة كنت متردد جدا بين الانوس والرينو لوجان بس بصراحة كل الناس رشحتلي اللانوس وده لأنها طبعا عربية شعبية فقطع غيارها متوفرة وكل الناس بتفهم في صيانتها وسعر اعادة البيع ليها كويس !! بس انا بصراحة لسة متردد لأني كنت شايف فيها عيب واحد وهو انها واطية جدا بالنسبة للشوارع عندنا في الأقصر وطبعا بعد كلام حضرتك فأنا مصمم علي اللوجان وربنا يستر ربنا يعينك

الحقيقة أنا مريت بنفس حيرتك دى من شهرين لما قررت اشترى عربية فى حدود 70 الف وكان الاختيار منحصر بين اللانوس والفيرنا واللوجان ... وعلى الرغم من ان اللوجان المفروض تكسب المقارنة بمزايا الإيرباج وكمبيوتر الرحلات وكونها اعلى واحدة فى التلاتة عن الارض إلا أن عدم توافرها فى التوكيل وكونك مضطر تستنى حوالى شهرين علشان تستلم لأ وأيه تدفع كمان 10 الاف جنية جدية حجز كل ده مكانش فى صالح اللوجان وكمان نصيحة من احد مهندسى التوكيل (توكيل رينو نفسه) بعدم الارتباط بالرينو فى هذه الفترة لعدم وجود قطع غيار جديدة واردة للبلد فى هذه الظروف والموجود فقط هو الاستوك المتوافر بالتوكيل مع ارتفاع ثمنه المبالغ فيه مقارنه بالنوعين التانين وسعر اعادة البيع الضايع للوجان ..... وعليه انحصر التفكير فى كل من اللانوس والفيرنا وهما فوله وانقسمت نصين بمعنى موجودين بوفرة وبكل الالوان والاستلام فوراً .. قطع غيار رخيصة ومتوافرة وصيانة سهلة لأى ميكانيكى ... وعموما اللى حسم الموضوع بالنسبالى بينهم كون اللانوس 1500 سى سى يعنى استهلاك بنزين اقل واعلى شوية من الفيرنا عن الارض وكمان عدم ارتياحى لشكل الفيرنا والخطين البايخين على الكبود ... وكمان الخصم المعمول من منصور على السعر للانوس الكاملة 69990 والفيرنا 72250 على الرغم من ان اللانوس فيها حاجات زيادة زى كشافات الشبورة وراديو بدون اريال (هوائى) ... وبكده استقر رأيى على اللانوس وجبتها من شهرين دلوقت بس كل المشاكل المكتوبة فوق دى مظهرتليش لسه وعموما مادام العربية شغالة تاكسى بالكثافة دى فده مطمنى ان اى مشاكل ان شاء الله محلوله ... اتمنى ان تجربتى تفيدك