شوف يا استاذ عمر انا معايا بيجو 305 و صعب جدا انى ابيع العربيه دى برغم انها عربيه قديمه لكن فى الاستخدام العادى مفيش فيها حاجه تفرق عن السيارات الحديثه فى شئ اهم حاجه تكون عربيه اساسياتها نظيفه و لازم تركب فيها قطع الغيار الاصليه او تكون نوعيه جيده عشان العربيه تعيش معاك و تقدر تسافر بيها زى ما انت عاوز و اليقولك العربيه بتسخن تعرف ان عربيته فيها حاجه غلط لان ال305 عمرها ما بتسخن الا لو فيها حاجه غلط , بالنسبه للسرعات بصراحه العربيه معايه بتجيب 130كم بالمرتاح و اخرها 150كم انا عموما مش عارف ده عادى فى البيجو ولا انا عندى العربيه فيها حاجه , بالنسبه للثبات انا شايف ان العربيه دى ثابته جدا على الطريق و فى الملفات و العفشه فيها بسيطه جدا و مريحه غير ال 132عفشتها معقده و على طول لا زم يحصل فيها حاجه و بالنسبه للستروين انا ماعرفش عنها حاجه بس عموما انا اشجع الفرنساوى عن الايطالى .
احب اضيفلك ان قطع غيار ال305 مش موجوده عند اى حد بس عموما مع الوقت هاتتعرف على كام محل قطع غيار و تعرفهم و لازم يكون معاك نمر تليفونااتهم عشان لما تحتاج تشترى حاجه نوعيه نظيفه بدل ما تلف عليها فى كل حته تكلمهم اولا فى التليفون و تسألهم عليها غير ال132 هاتلاقى حاجتها متوفره شويه و مع ذلك انا اشجع البيجو لانك مش كل يوم هاتروح للميكانيكى
