رد: توهان فى دنيا النسيان
-2-
ذهب توهان للمعلم سمير ملك الحمير00
اعطاه عربة كارو بعجلتين وحمار00
فهو مازال فى البداية00ويجب ان يترج حتى يترقى الى بغل ثم عربة باربع عجلات ثم البريمو اثنين حصان وهذا أمل بعيد!!
وضع المعلم يده على كتف توهان فكاد يسقط على الارض بجسده الضئيل00
قال المعلم:
-شوف ياد00
ترجع باقل من خمسين لحلوح ح أخليك تنضف الاسطبل
-متقلقش يا معلم00صبيك مرزق
-تخنصر من الايراد 00آهه00رجالتى ف كل حته00
وقعتك تبقى سودة00
ح أعلقك مكان الحمار00
فاهم
-فاهم يا معلم00
نظر توهان للمعلم بقرف ثم انطلق بعربته الى العنوان الذى اعطاه وهو يحاول ان يقنع نفسه بأن سلم المجد يبدأ من خلف هذا الحمار00
كان يرتدى الزى الرسمى00
جلباب كالح وعمامة بشراشيب وطاقية بقرنين!
وكأنه متنكر!
الحمار يسير ببطء شديد00
لا يستجيب لحا ولا شى00
حمار بليد00
ضربه بالعصا التى فى يده00فوقف الحمار تماما00
ضربه بشدة اكبر فلم يتحرك00
بلغ به الغيظ مداه والحمار مستمر فى عناده وهو قليل الخبرة فى التعامل مع الحمير00
ضربه بكل غيظ هذه المرة00
رفس الحمار العربة بكلتا ساقيه الخلفيتين فكادت ان تنقلب00
وطار توهان ووقع على الارض ليتمرمغ فى التراب00
قام يلملم اجزاء جسده التى تبعثرت وهو فى شدة الغيظ والحنق00تقدم الحمار ليوسعه ضربا بالعصا ويؤدبه!
التفت بعض النسوة حوله00
قالت الاولى:
-همجى00حرام عليك
قالت الثانيه:
-ايه الافترا ده00معندكش رحمة
الثالثة:
-مفترى زى كل الرجالة 00ربنا يهدك
الرابعة:
-ايه التوحش ده00انت لو فى أوروبا كانوا عدموك
نظر توهان اليهن وقال:
-ايه يا وليه انتى وهيه
قالت احداهن:
-وليه يا سافل00
انت باين عليك عاوز تتربى بالشبشب وتدوق اللى بتعمله ف الحمار الغلبان
آثر توهان السلامة وانطلق يجر حماره فقد لا يسلم من أذى النساء
ذهب للمكان الذى وصفه المعلم وكان مستودع كبير لمواد البناء00
وقف أمامه بعد ان عذبه الحمار فى السير00
وقف يسب الحمار البليد العنيد00
وقبل ان يستقر جاء اليه رجل ضخم وامسك بتلابيبه
صرخ فيه:
-انت تبع مين يا جعر؟
-ايه ياجدع انت
-وله00جاوب لاقطع رقبتك
-تبع المعلم سمير
-آه00متقول كده من غير لماضة00
وانا بقول انا شفت الحمار ده فين قبل كده
بص ياد00
انت تستنى دورك وبعدين تجيب الاصطباحة لما تطلع اول طلعة
-اصطباحة ايه؟
-انت جديد00آهه
ما هو حاكم مخلوف ده مبيعمرش معاه حد
-مخلوف مين
-الحمار ده يا جعر00
اسمه مخلوف
-آه
-حمار غبى وعنيد وخاين جبان
-يا سلام
-أمال خلى بالك منه
-واضح انك خبير حمير
-طبعا 00عشرة سنين
-واضح 00واضح
-انت اسمك ايه؟
-توهان
-تو000ايهظ
هاهاهاهاهاها
توهان 00حلوة
انت لازم يعملولك فيلم00
توهان والخاين الجبان
ههههههههههه
فيلم من بتوع اليومين دول00البطل مخلوف الحمار وانت السنّيد بتاعه
ههههههههههههه
-وانت اسمك ايه يا معلم؟
فرد جسمه00ورجع بظهره لاقصى الخلف:
-المعلم حبش
-ههههههه
حبش
امسك به بعنف:
-مش عاجبك يا جعر
-العفو يا معلم00
عاشت الاسامى
-انت مالك00رغاى كده ليه
انا محبش كتر الكلام
وضع يده على فمه وصمت
جاء اول زبون 00
حمل عربيه بصعوبه وكتيفه يتمزقان وظهره يكاد ان ينقسم00
انطلق فى طريقه00
والحمار يداوم البطء00
اضطر لان يسحبه ويكمل المشوار سيرا على الاقدام!
تتبع
__________________
|