المشاركة الأصلية كتبت بواسطة romioromio
مشكور جدا استاذ حسام
بص انت زي ما انت قلت بالضبط
الراجل قاللي هو حيعلق في المارشليه والاول بس او غالبا
ومشيت بيها 50 كيلو فعلا لقيته كده
بس بيعلق بس مش بيعمل صوت شخشخه كده لاني شفت المشكله ده قبل كده ان يكون فيه صوت غوايش بتشخشخ كده
كمان انا الصراحه مش عارف الدبرياج عالي ولا واطي لاني اصلا مش عارف وضعه الطبيعي عامل ازاي
بس هو قاللي انه مغير كل شئ في الفتيس بس الدبرياج عايز يتوزن وانه سبب التعليقه
هل ده صح ولا ميكونش حاجه في الديسكات او التروس او الحجات ده؟؟؟؟؟
ارجوك طمني
وبالنسبه للكفرات انا هي جديده
كمان اخر شئ
فيه ناس بتقللي غير سير الكاتينه اول شئ وكل السيور والفلاتر
ايه رايك....زهو الواحد حيروح ميكانيكيه من الاول كده
|
تمام .. كده يبقى الموضوع بسيط جدا باذن الله .. هتروح للميكانيكى وهيظبطلك الدبرياج مفيش مشاكل .. انت روح قول له عاوز اعلى الدبرياج شويه علشان النقلات مش مظبوطه ...
لكن مفيش مشاكل فى الفتيس ولا الديسك والاسطوانة باذن الله .. اطمئن ...
بالنسبة لموضوع تغيير السيور والفلاتر .. ده اجراء احترازى احيانا بيعمله اللى بيشترى عربية مستعملة .. بحيث يبقى مطمئن من العربية وخصوصا لو شاريها من حد غريب ..
لكن انت بتقول شاريها من حد معرفة وثقة .. فاسأله امتى اخر مره غير فيها سير الكاتينة وسيور الدينامو والباور والتكييف والفلاتر .. لو قريب مفيش داعى خالص لتغييرهم حاليا ...