[تامين سيارات]

المشاركة الأصلية كتبت بواسطة melkobaby يوم 23/7 الساعة 2 الظهر وانا راجع من جمصة قبل كوبرى قليوب بحوالى 2كم دخلت اصلى الظهر فى مسجد كبير اسمه عمر بن الخطاب على الطريق مفيش ربع ساعة وخرجت مالقتش العربية طبعا كانت مقفولة كويس وكان فيها شنط السفر رحت متصل بالشرطة قالولى خليك مكانك لحد اما نجيلك وبالفعل جم بعد حوالى ساعة ونص ورحنا قسم قليوب وعملنا محضر.........وشكرا رحت بعديها بيومين النيابة جبت صورة المحضر ووديتها التامين قالولى تيجى كل شهرين تجيب موقف التحريات لحد ماتصرف بعد 6 شهورووديت صورة تاني للبنك بس معرفش ممكن البنك يعمل ايه. و طبعا اتصلت بكل حد ممكن يساعدنى ويتصل بالعصابة عشان اساومهم عليها بس للاسف محدش وصلهم. ان عملت المضوع عشان لو حد يقدر يفيدنى فى موضوع التامين او البنك وبرده عشان الناس تحرص على عربيتها خصوصا بالقرب من قليوب لان العصابات شادة حيلها جامد هناك. مواصفات السيارة يمكن حد يلاقيها: اسبيرانزا 113 رصاصى غامق رقم جف 6928 موديل 2011 كراسى جلد رصاصى وراكب عليها شبكة والاكصدام الامامى مشروخ والخلفى مكسور. اسف على الاطالة ونصيحة للى معاه نفس نوع العربية يعلى صوت الانذار.

السلام عليكم استاذى العزيز اسفت جداا على حادث السرقة الى تعرضت له و قضاء اخف من قضاء

بالنسبة للسرقة فى التامين حضرتك عملت محضر شرطة و عملت اخطار السرقة للسيارة فى شركة التامين الموضوع هايخلص باذن الله فى 6 شهور و السبب كف البحث من النيابة يعنى استحالة العثور على السيارة مرة اخرى فى الحالة دى النايبة تديك كف البحث
بعد كدة تطلع على شركة التامين و تديهم كف البحث عن السيارة هايطلعلك الشيك فى خلال شهر

بعد كدة تاخد الشيك الى هايطلع و تسلمة فى البنك هايخصمو اصل الدين بفايدة 2.5% على اصل الدين

اسف لما تعرضت لة مرة اخرى و نفس الواقعة دى حصلت من يومين مع صديق لكن السرقة كانت بالرشاش الالى و اضطر لترك السيارة بما فيها ربنا يعوض عليك