رد: اي مساعده في الاكسارا انا جاهز
السلام عليكم و رحمه الله و بركاته
الى اهل الخبره فى الاكسارا 1
انا عندى العربيه ديه من حوالى 6 شهور 1600 سي سي و مكنتش متوقع ان العربيه ديه تكون بالقوه والجمال ده بصراحه .. بس عملت معايا شويه حركات مش فاهمها و مستغربها :
1- حراره العربيه بتعلى بسرعه ياعنى خلال نص ساعه الاقيها وصلت التسعين وساعات بتوصل 100 درجه و تبدأ تنزل تدريجى مع المشى البطىء
2- الحراره بتعلى عند تشغيل كشافات الشبوره ليلا و عندها يفصل الكلاكس
3- لمبه الحراره نورت احمر وكانت الحراره على التسعين كنت مسافر وتطفى وتنور وتطفى وتنور ( حصلت معايا مره واحده بس)
4-لمبه التشيك بتنور والعدادات كلها بتنزل و الاشارات بتفصل و نور التبلوه بيضعف (كل ده لما بحرق على العربيه او لما لمبه التنك تنور و تبدأ تنتش وهى ماشيه )
5-التكيف ضعيف غير لما اشغله على اربعه و بيبقى ضعيف جدا صباحا و جيد مساءا
لما بيكون شغال على 1 او 2 بيكون ضعيف جدا شبه مفيش هواء خارج اصلا
مع اختبرت الدائره ونضفتها و نضفت الفلتر و زودت الفريون
برجاء افيدونى الحاجات ديه مش مخليانى استمتع بالعربيه ديه
|