رينو سكالا او نيسان صني او النترا الشكل القديم؟
السلام عليكم
اخوكم في الله حيران في موضوع الشرا ده واكيد كلكم عارفين الشعور ده...
انا لسه بايع افيو 2006 و الصراحة اتعقدت من الكوري بعدها.. والافيو عربية جميلة لكل واحد اول مرة يركب عربيات او كان راكب عربية قديمة زي ال128 مثلا..انما اللي جرب الالماني او الياباني الافيو هتبوظله اعصابه الصراحة
المهم انا محتار بين رينو سكالا و الصني و الالنترا الشكل القديم
السكالا هي هي النيسان الخليجي بس تقفيل كوري و صالون و شنطة اوسع بجد و سعرها 88000 للاوتوماتيك و 95000 للهاي لاين
الصني كلكم عارفينها تقفيل مصري و صالونها اضيق و سعرها 94000 و 102,5 للهاي لاين ( الصراحة موش داخلة دماغي اوي بس منتشرة و حمارة شغل و قطع غيارها متوفرة)
الالنترا عربية جميلة بس برده كوري و اغلاهم في السعر 104000 للاوتوماتيك و 113000 للهاي لاين يعني هل هي فعلا تستحق فرق السعر ده
انا كده كده هاقسط فده معناه ان العربية قاعدة معايا 6 سنين على الاقل ان شاء الله فموضوع اعادة البيع موش فارق معايا
و برضه انا شاب توكيلاوي وبحب اعمل الصيانات في مواعيدها فموضوع التوكيل ده بيفرق معايا الصراحة
ياريت اصحاب الخبرة يقولولي رأيهم و ينقذوني من الحيرة و جعله الله في ميزان حسناتكم
|