رد: بخصوص الملف
ايوة اللى الموظفة قالتو صح
حضرتك تروح اى يوم غير الاتنين و الخميس و تقدم الملف ف نفس الشباك اللى دبست ليك الورق فية
الملف حيجى امين شرطة يودى كام ملف معاك لمكان اختبار الكمبيوتر لو نجحت ان شاء الله تقولك انزل اختبر سواقة بس لازم تعدى ع الخزنة الاول و تدفع 25 ج (رسوم اختبار تقريبا حاجة كدة) و يديك وصل .
تنزل مكان الاختبار حتلاقى الملفات تحت و بينادى الاسامى تروح و تديلو الوصل و تستنى لحد اما ينادى عليك تانى عشان تختبر حتركب العربية فى حاجتين قدامك
1- المرور ده وصلو الثورة يبقى حتنجح من غير م تدفع فلوس
2- موصلوش الثورة تجهز 50 جنيه ف ايد اللى قاعد جمبك و هو حيقوم بالواجب و زيادة
بعد النجاح ان شاء الله حيقولك حاجة من اتنين
1- اطلع اتصور دلوقتى
2- تعالى بكرة اتصور
ف الحالتين حتطلع ع الخزنة و تدفع ضريبة الرخصة 50 جنية برضو و تتصور و تاخد الرخصة ف ايدك
و مبروووووووووووووووووووووو وووووك مقدما
|