عاوز عروسه حلوه حالآ !!
الحقونى ..عاجل..أرجوكم المساعده ....موضوع هام ... عاوز الاخوه الآعضاء يدورولى على عروسه حلوه تكون
بنت ناس قوى ويستحسن تكون أوروبيه و شعرها أصفر و عينيها خضراء و رشيقه و ما بتاكلش كتير !!
ويكون مهرها موش عالى قوى و يستحسن لو يكون ما فيش مهر من أصله أو أبوها يديهالى بالتقسيط !
و لما أطلقها ما أخسرش فيها كتير و اللى يتجوزها يدينى اللى دفعته فيها بعد ما استعملتها !
طبعآ الكلام ده موش صحيح ! و أتحدى ان الموضوع ده ح يدخل عليه المئات علشان يشوف ايه الحكايه !!
و ده قصدى ! لآنى ح أتجنن من بعض الآعضاء اللى بتكتب عناوين مثيره و تدخل تلاقى المضمون مستحيل !
أولا : تلاقى العنوان كما ذكرت : عاجل .. لازم تدخل على الموضوع ده ...سـاعدونى ... الحقونى .....
تدخل على الموضوع ! تلاقى واحد مستعجل جدآ و عاوز الناس تدور له على عربيه تكون أصيله و من ماركه
محترمه و قسط مريح جدآ ( قسط بسكلته ) و تكون موش محتاجه مصاريف و اقتصاديه و اعتماديه يعنى
( ما تقولش لآه ) و ياريت ما يكونش فيه بنك فى النص و لما يبيعها ما يخسرش فيها !! ptmnlo123per195
يا خوانا قولو كلام معقول ! ؟ و الآنيل لما حد يرشح له سياره معينه ! يتنك عليه و يطلع له فيها القطط
الفاطسه ! يعنى بيفهم فى العربيات أهه !
وصلكم كلامى ! مين معايا و مين موش من رأيى ؟؟ و أخيرآ ما عندكوش عروسه بنت ناس و...و...و...
Dr. Bolbolan ptmnlo123per1127
|