المشاركة الأصلية كتبت بواسطة Bahi
الحمد لله الذى لا يحمد على مكروة سواه يا على باشا
أنا بعد صيانة الـ60000 فى الأوكتافيا اللى دفعت فيها حوالى 6200 جنية (ستة آلاف ومائتان جنيها مصريا) فى قطع غيار ومصنعيات الصيانة الدورية العادية دون نقص أو زيادة فى التوكيل بطلت أعتب هناك.
أخدت منهم جدول الصيانة المثبت فى مصر موتورز تحت السكودا
وبدأت أمشى علية بحزافيرة مع ورشتين كبار برة:
- واحدة قريبة منى ومعقولة (أو رخيصة جدا) فى مصنعياتها وبستخدمها لما تكون صيانة عادية خفيفة (زيت وفلتر موتور - تربيط عفشة - فلتر بنزين/هواء...الخ)
- الثانية بعيدة أوى عنى وغالية شوية وبستخدمها لما تكون الصيانة فيها شوية فنيات (زيت ومصفاة جيربوكس أوتوماتيك - سيور...الخ) علشان صاحبها كان شغال فى أرتوك أوتو (التوكيل) فوق 10 سنين وبصراحة خبرة ومتمكن وفاهم
على فكرة العربية عندى 1600cc وبتاخد كام كيلو زيت موتور؟ 5 كيلو زيت موبيل1 بالتمام والكمال مع الفلتر اللى بغيرة كل مرة. وبتاخد كام كيلو زيت جيربوكس أوتوماتيك؟ 4 كيلو بالتمام والكمال زيت من أبو 120 جنية/كيلو مع المصفاة.
بقالى برة التوكيل من أول 60000 كم ولغاية دلوقتى عامل صيانتين عند أبو رخيص وصيانة واحدة عند أبو غالى لأن العربية عاملة حوالى 95000 كم لغاية دلوقتى وان شاء الله نحتفل بالمئوية قريبا.
ربنا يوفقك |
استاذ باهى انا ليه صديق عندة سكودا A5 2006 , و دفع فى صيانة ال120000 10000 جنيه ده غير انه كع قبل كدة مبالغ كبيرة برضة فممكن حضرتك تدلنى على الورشتين الى بتتعامل معاهم عشان اقوله عليهم ﻻن الراجل متجوز و عنده عيال و ممش ناقص استغلال الوكيل العجيب ده.