[aymanlaw]

المشاركة الأصلية كتبت بواسطة احمد الشناوى1981 مش شرط من التوكيل ممكن محلات قطع غيار اسبيرانزا بره التوكيل و موجود عناوينها و ارقام تليفوناتهم هنا فى الموقع و الى فى الصوره كوبلن بالعمود الواصل بينه و بين الفتيس لو الكوبلن بس هو الى بايظ بيطأطأ مثلا ممكن تجيب راس كوبلن بس و هتلاقيها رخيصه -- انا غيرت راس الكوبلن دى فى اسبيرانزا a113 ب 140 جنيه و الحمد لله مفيش منها اي مشاكل ثانياً : بخصوص كوبلن الانسر فى واحد حبيبى حداد عفشه معاه اسبيرانزا 516 انا لسه مكلمه حالا قالى ان كوبلن الانسر مبيركبش مكان ال 516 إلا اذا غير الجنب بالكامل يعنى الطنبوره الى راكب عليها تيل الفرامل و بتيجى برضو abs زى الاسبيرانزا و بيغير معاها الكوبلن كامل يعنى الكوبلن الخارجى + العمود + الكوبلن الداخلى الى داخل فى الفتيس و هوعمل كده عنده اول لما اشترا العربيه غير الجنبين كاملين و قالى ان البوما فيها مقاسين كبير و صغير -الكبير مقاسه 15 هو ده الى بيركب مكان الاسبيرانزا و الجنبين تمنهم حوالى 2000 جنيه بكده انته قدامك حلين - يا تغير راس الكوبلن الى بايظه عندك بواحده جديده من بره التوكيل و تريح دماغك - يا تغير حتى الجنب الى بايظ فيه الكوبلن و لما الجنب التانى يتعب ابقا غيره هوه كمان بس هى الميزه فى التغير للانسر انك بعد كده هتشترى قطع غيار لانسر سواء تيل فرامل او كبالن و بالتوفيق ان شاء الله و اى حاجه انا تحت امرك

بصراحة اوضحت فأوجزت فأنجزت ,هو كده يبقى المنتدى مفيد,انا بشكرك جداً,بس ليا سؤال يارب الاقى الحل عند حضرتك ,بلنسبة للمواتير الى راكبة فى العربيات الصينى الى هى بتكنولوجيا مثلاً متسوبيشى زى موتور السيارة جاك او البى وى دى ,هل لأنه متسوبيشى يبقى ايضاً الفتيس هيكون نفس الفتيس الى راكب فى المتسوبيشى وبلتالى الكبالن وايضاً الطنابير وتيل الفرامل ,وشكراًكل سنة وحضراتكم طيبين ورمضان كريم ....