[ahmedchina]

واضح من المشاركات إن الحمد الله الجميع مقتنع تماماً بالعربية و حساس إنها مظلومة من الناحية التسويقية يعنى التوكيل معاه جوهرة لم يدرك قيمتها بعد .
و انا متفق تماما معاكم ! بصراحة لما شوفت الfsv إنتشرت بشكل كبير و تشوفها فى كل مكان زعلت على الجاك لانها فى السوق قبل الfsv و إمكانياتها الفنية و الجودة أفضل بس التوكيل شكلة مش مركز مع العربية , مركز مع النقل و بس . رغم إنة لو جاب شحنة كبيرة ووزعها على كبار التجار العربية هتمشى كويس جدا ً . كمان لازم يكون فريق بيع و تسويق قوى . على رأى الاستاذ أيمن, جاك فى البرازيل عاملة شغل جامد طحن أول شهر باعت 4461 عربية من الموديلات الملاكى يعنى العربيات كفاءة . و جاك عدلت فى العربيات حاجات كتير علشان تناسب السوق فى البرازيل منها لون الفرش الداخلى . تخيلوا الوكيل إشترى16عربية من الاية كلاس و جربهم لمدة سنة فى وجود خبراء صنينين و العربيات عملت حوالى 100 كيلو او كثر منهم عربية عملت 250 الف كيلو و فكك عربية كاملة للتأكد من حالة المكونات المستخدمة و القطع اللى محتاجة تتغير بمستوى أفضل , و عمل مكان زى معمل تجارب للمواتير الجديدة من جاك بمعنى جاك المواتير و الفنيين و جرب المواتير و هى شغالة على أنواع البنزين المتاحة فى البرازيل للوصول لافضل أداء . الكلام دة كله معناه ثقة المستورد البرازيلى فى جاك , معناه فلوس للتجهيز , معناه إن جاك مستعدية تعمل اى حاجة علشان تزود حصة مبيعتها و ترفع من مستوى الجودة و التواجد على الخارطة العالمية للسيارات . لكن الوكيل فى مصر شغال بالحتة لا طموح لا تخطيط .
يعنى فى رأئ الشخصى المتواضع بدل ما كان جمع العربية إيجل كان بدأ مع الاية كلاس كان يعمل سعر مميز و عربية إقتصادية تفتح السوق و كانت هتغطى على عربيات كتير فى السوق و بعد كدة يبدأ يجمع البى كلاس و غيرها .
معلومة لسة شايفها على موقع صينى الوكيل البرازيلى تعاقد مع جاك على بيع 620 الف سيارة ملاكى بمختلف الانواع خلال 10 سنوات . يمكن دة اللى رفع سعر العربية يعنى العربية اللى بتجى مصر هى اللى بتروح البرازيل مع إختلا ف الماتور .