[m.genedy]

شكرا استاذ /dieseltrucker
على اسلوب العرض المميز
لي وقفتان
الاولى ..عند تعريف التيار الاسلامى
وقد وجدت انك لم تذكر جماعة الاخوان كقوة لا تقل اهمية عن مثيلتها السلفية بل قد تفوقها تنظيميا
واخالفك الرأى ان التيار الاسلامى كان فى يوم من الايام كتلة صامتة
والا ماكانت فتحت لهم المعتقلات على النحو التى كانت علية ..
وما اعلمة ان المنتمين للتيار الاسلامى يتم تأسيسهم وليس تسيسهم..
وكلنا يعلم مدى انتشار الحركة الاخوانية خاصا بين فصيل الشباب,,
اما ان يترك الكتلة الصامتة ويذهب باحثا عن الخلاص من خلال لحية وجلابية قصيرة
فهؤلاء وان وجدوا يعدوا على اصابع اليد الواحدة
حتى قبل ان يحكم امن الدولة قبضتة عليهم..
اما السلفيين
فالمعروف ان كل من أمن بسيدنا محمد
علية الصلاة والسلام فهوى سلفي
وما يطلق علية الجماعة السلفية الان هؤلاء مسلمين
يريدون تطبيق سنة نبينا المصطفى علية الصلاة والسلام
ومن نراهم الأن هم المتشددين منهم.
وهناك شئ اخر فى سياق التيار الاسلامى وهو ان الجيش المصري
يحمل بين طياتة جميع طوائف الشعب
ومنها ايضا الاخوانى والسلفى..!!

المشاركة الأصلية كتبت بواسطة dieseltrucker القوة الثانية : التيار الاسلامي هم افراد من المجتمع المصري كانوا في يوم من الاغلبية اياها (الصامته) وبعدين كل واحد منهم شاف انه ماينفعش يبقى صامت ولازم يغير نفسه ويحاول يغير اللي حواليه وشافوا ان المنهج الامثل هوا المنهج الاسلامي لان احنا مش لازم ننكر ان الاسلام بفروضه وتعليماته متغلغل في طبيعة الشخصيةالمصرية ومتاح لنا بشكل يومي الاذان شغال خمس مرات الشيوخ شغالين دروس واحاديث فكان لازم يخرج من المجتمع او من الاغلبية تيار ذو نزعه دينيه متحمس لتغيير الاوضاع الى الافضل وعنده ايمان انه سيكون له جزاء من الله في الدنيا والاخرة حتى لو تعرض له الطغاه او المخالفين لمنهجه وهنا انقسم التيار قسمين جماعة بتقولك العودة للاصول هي افضل طريقة فلازم كله يكون على طريقة السلف الصالح في حياتهم ومعاملاتهم وحتى مظهرهم ومن هنا جاءت تسمية السلفيين القسم الثاني جماعة بتقولك المحتمع النهاردة غير من الف سنه فلازم يكون فيه منهج اسلامي (مودرن ) حلو كده وسهل ومبسط ويكون العملي فيه اكتر من النظري ونقرب كده للناس ونضحك ف وشهم والدقن دي اذا كانت هاتخوف الناس بلاش منها ومافيش مانع نقدم تنازلات في القشور علشان نوصل الفكر الدعوي للمجتمع وده تقريبا ملخص بالبلدي لفكر الاخوان وعن تجربه مش بقول وخلاص لاني مشيت معاهم سبع سنين القوة السادسة والاخيرة : المهمشين ناس في الضياع واحنا اللي ضيعناهم وسبناهم لحد ما بقوا مش لاقيين ياكلوا ولا حتى عارفين يسرقوا عشان ياكلو ودول حاليا مش كتير للدرجه ولكن في ازدياد طب تلاقيهم فين تلاقيهم في الاشارات شايلين المناديل وانت بتقفل ازاز عربيتك علشان متشتريش منهم علبة مناديل مكسب الواحده فيها شلن او واحد عايز يمسح عربيتك وياخد اي حاجه ياكل بيها وانت مش طايقه او جارك توفي وساب ايتام وامهم ست شريفةمش عارفه تعمل ايه وغيرهم وغيرهم ودول ماعندهمش رفاهية الفكر السياسي لانه اذا جاعت البطون تاهت العقول

الوقفة الثانية
عند المهمشين..
هؤلاء قوة لا يستهان بها وان كان لاحول لهم ولا قوة
هؤلاء هم وقود ثورة الجياع كما كان ينتظرها ويتوقعها البعض
هؤلاء هم قاطنى العشوائيات ومن سقطت على رؤسهم صخور المقطم
هم فصيل صغير جدا من اعداد يستحيل حصرها....
اعطيك مثال..
اذا اردت ان تستخدم جهاز ال gps فى مصرلن تظهر لك اكثر من 35% من شوارعها!!
اين الباقى؟
هو عشوائيات وقاطنية اغلبية مهمشة نتيجة فساد ادارى لم يفلح معة صمت الاغلبية
وسقط عندما نطق ضمير الشعب..
ما اردت قولة ان المهمشين ليسوا جميعا فى ميدان التحرير ..لأن منهم من لا يعرف اين هو ميدان التحرير..
شكرا على الموضوع وارجوا ان لا اكون خرجت
عن سياقة...
ولي عودة ان شاء الله
رمضان كريم.