[فادى]

المشاركة الأصلية كتبت بواسطة elmanahry عرض رائع وجميل جدا لسيارة الاحلام بالنسبة لى كنت اتمنى لو كانت سيدان ولكن تداول سيارة مثل هذه فى السوق ليس بالهين اى بيع بعد الاستعمال سيارة لا يقدرها غير الذى درسها ويعرفها السوق المصرى يسير بروح القطيع فى اعادة البيع لو كنت غنى كنت اشتريت هذه السيارة التى اتمناها ارجو يافادى باشا التنويه على نفس نوع السيارة الذى يحتوى على موتور 150 حصان وشكرا جزيلا على عرض هذا الموضوع بهذه الطريقة البديعة جدا والشاملة واسلوب العرض 10 من 10 اعتقد ان العزيز جدا SAM RAM مهتم بهذه السيارة ويقدرها جدا

شكرا لك يا استاذ مناهرى,
هى البرافو تقع فى فئة الهاتشباك العائلية, نفس فئة الجولف و السيات ليون و البيجو 308 و السى4 و الفئة دى لا تتمتع بشعبية كبيرة فى مصر, لأن سعرها فى نفس سعر السيدان العائلية.
و عشان كده انتشارها ليس بالكبير, لكن قارن انتشارها بالسيات ليون و الجولف و ال308 هتلاقى انتشار البرافو معقول نسبيا.
البرافو 150 حصان لم تعد موجودة لا فى مصر و لا فى ايطاليا و تصنيعها انتهى فى 2010 و استبدلت بمحرك المالتى اير 140 حصان لكن بعزم أعلى, و انا سألت عليها عدة مرات فى التوكيل و حسب ما فهمت لا خطة لديهم لطرحها فى مصر على الأقل فى القريب العاجل لأنها مانيوال و هتكون غالية.

انا مش هبيع السيارة على الأقل خلال 5 او ست سنين و ربما أكثر, لذا لم أفكر كثيرا فى سعر اعادة البيع, ده رأيى, لأن محدش عارف السوق هيبقى عامل ازاى بعد 5 سنين, توقعاتى الشخصية انو اسعار المستعمل هتنهار تماما كلها يابانى و كورى و اوروبى لأن اتجاه السوق حاليا مزيد من التسهيلات فى التقسيط, بالاضافة الى احتمالات تخفيض الجمارك,
و ده حاصل فعلا حاليا, اللى معاه فلوس بيفضل يحطها مقدم فى سيارة جديدة بدلا من شراء سيارة قديمة.