استشارة ضرورية اعمل الصيانة ف التوكيل ولا مع نفسي
السلام عليكم
ارجو من السادة الزملاء انهم يفيدوني بالتصرف الصحيح ان شاء الله
عربيتي جديدة لوجان عامله 4000 كم ومعايا ضمان زي مانتوا عارفين 100الف كم
بفكر اني مااتابعش الصيانة مع التوكيل واعملها مع نفسي للاسباب التالية
التوكيل بعيد واقرب وكيل ليا بتاع اسكندرية 450 كم رايح جاي
صيانة التوكيل تكاليف ع الفاضي وممكن اعملها بنفسي لاني مهندس سيارات وشغال في شركة نقل وعارف ايه هيا الصيانة الدورية وايه اللي يتغير وايه اللي يتربط والكلام ده
النقطة المهمة واللي عايز تجاربكم السابقه فيها هل التوكيل لو انا متابع معاه ف عمل الصيانات وفجأة لقيت قطعة غيار تلفت نتيجة عيب صناعة اوانا شاكك انها عيب صناعة هل التوكيل هايغيرها بسهولة جوا الضمان ولا زي ما بسمع من الجميع ان جميع التوكيلات لكل الماركات بتماطل وتتحجج وتقول دا عيب استخدام او هيا كده الخ
افيدوني افادكم الله
|