فعلا من انضف الاجهزة في مصر جهاز القوات المسلحة وربنا يحميهم ويرحمنا برحمته من شوية الهمج اللي معندهمش ريحة الصبر ومش هاين عليهم يصبروا لسه خارجين وبنقول يا هادي من الفتن الطائفية وما صدقنا اننا هنبتدي نشوف مصالحنا والحال هيتعدل والناس هتبتدي تشتغل وتنتج ونلاقي شوية ناس 300 ولا 400 واحد وقفين في ميدان التحرير عايزين يمشوا البلد ويمشونا علي مزاجهم زي الغنم

والله حرام اللي بيحصل ده بجد لو هما مش فارقه معاهم الاسعار اللي ولعت والناس الغلابة اللي مش لاقيه تاكل ولا عارفه تشوف مصالحها هيه تفرق معانا احنا ولازم الناس ديه تعرف ان في حاجه اسمها ولي الامر مش كل واحد طالعلي عايز يمشيلي البلد علي مزاجه

والله الجيش لو يعمل استفتاء علي انه يلم الناس ديه كلها اللي قالبلنا كيان البلد انا اول واحد هيوافق

هيضيعوا اللي عملناه في الثورة وهيخلوا العالم اللي كان وخدنا مثل اعلي هيشاور علينا ويقول شوفوا الهمج بيعملوا ايه في بعض

اللي كانو امبارح كلهم ايد واحده ضد الظلم النهارده الايد ديه اتقطعت وكل واحد عايز ينفذ اللي في دماغه ومش مهم راي الاغلبية اللي بتطالب بالاستقرار والعمل والانتاج علشان البلد تخرج من الكبوه اللي هيه فيها ديه