[Dr. Bolbolan]

ابتديت أعوم بكل قوتى و قلت فى نفسى أحاول أستغل الموج المتجه الى الشاطىء فى <?xml:namespace prefix = o ns = "urn:schemas-microsoft-comfficeffice" /><o:p></o:p>
<o:p></o:p>
دفعى الى الامام ! و لكن كانت أحلام هند و كاميليا ! لآن الموجه كانت تأتى من خلفى <o:p></o:p>
<o:p></o:p>
بهدير مرعب و بارتفاع 3 أو 4 متر و تنزل بكل ثقلها على أم رأسى و رأس اللى جابت أيمن<o:p></o:p>
<o:p></o:p>
فتدكنا الى الآعماق ( مثل فعل الشاكوش فى المسمار ) فنندفع الى أسفل لا اراديا طبعا<o:p></o:p>
<o:p></o:p>
مع عمل شقلبظات لا اراديه برده و نترزع فى الآرض و نقب تانى الى أعلى فأجده بعد <o:p></o:p>
<o:p></o:p>
أن كان على يمينى أصبح على يسارى و العكس ! والفترة بين موجتين و رغم انى بأسبح <o:p></o:p>
<o:p></o:p>
بكل قوتى الى الآمام كنت أحس فعليا انى بأرجع أو بأنسحب للخلف ! و ابتدى أيمن <o:p></o:p>
<o:p></o:p>
يشهق و يصدر منه أصوات مزعجه بتاعة واحد بيموت ! وأنا لم أكن أصدر أى صوت غير <o:p></o:p>
<o:p></o:p>
صوت تنفسى العالى و المتلاحق و ابتديت أحس بخدر فى عضلات ذراعى و بتشنج فى<o:p></o:p>
<o:p></o:p>
عضلات قدمى ! و الآنيل من ذلك انى كنت بأشرب ماء البحر غصب عنى لآن فمى مفتوح <o:p></o:p>
<o:p></o:p>
على طول علشان أتنفس منه أكبر كمية هواء و فى نفس الوقت ما فيش سيطره عليه <o:p></o:p>
<o:p></o:p>
بحيث أستطيع اغلاقه ! و ظللنا هكذا لفترة اعتقدتها دهرآ و لا أستطيع حسابها ! أخيرآ<o:p></o:p>
<o:p></o:p>
أيقنت أن هذه هى النهايه و انى ميت ميت لا مفر و لا محاله ! و أقسم بالله العظيم ان <o:p></o:p>
<o:p></o:p>
فى هذه اللحظه حصل لى سلام عجيب مع النفس و لم أكن خائفآ من الموت اطلاقآ !<o:p></o:p>
<o:p></o:p>
و لكنى كنت حزين و زعلان ! أولا : ايه الموته الوحشه و العبيطه دى ؟؟ ثانيآ : و هى <o:p></o:p>
<o:p></o:p>
الآهم هى حزنى على أمى ( رحمها الله ) و كيفية تلقيها الخبر عندما يرجع لها أخى <o:p></o:p>
<o:p></o:p>
وحيدآ و يقول لها ان بولبولان مات ؟؟ و الله و أنا بأموت كان كل تفكيرى فيها و كيفية تأثير<o:p></o:p>
<o:p></o:p>
الخبر عليها ! المهم بلغ منى الاعياء و اليأس مداه فتركت نفسى للموج و قرأت <o:p></o:p>
<o:p></o:p>
الشهادتين بصوت مسموع يعنى لا عالى قوى و لا ضعيف و لا فى سرى ! أشهد أن لا <o:p></o:p>
<o:p></o:p>
اله الا الله و أشهد أن محمدآ رسول الله ( سامع يا AhmedCar ) و أستنى انى أموت !<o:p></o:p>
<o:p></o:p>
ما أموتش ؟؟ بعد شويه أتشاهد تانى ! المهم فعلآ اتشاهدت 3 مرات و بعد آخر مره <o:p></o:p>
<o:p></o:p>
فجأة وجدت الموج هدى و أصبح ناعما و ارتفاعه أقل ! و الريح أصبحت أقل ضراوه ! و الجو<o:p></o:p>
<o:p></o:p>
أصبح محتملا و فى ثانيه وجدت أطراف أصابع قدم تلمس الآرض ففرحت جدآ و أنا فى <o:p></o:p>
<o:p></o:p>
شدة الكرب برده لآنى ماشى مثل راقصة الباليه و بتيجى الموجه برده ترفعنى بعيدآ عن<o:p></o:p>
<o:p></o:p>
الآرض العزيزه ( كل ده و عم أيمن شغال موسيقى الآموات و الاحتضار ) فأمسكت بذراعه<o:p></o:p>
<o:p></o:p>
وهتفت فيه اجمد يا أيمن لمسنا الآرض ! لمسنا الآرض ! و بعد كفاح استطعت أن أضع <o:p></o:p>
<o:p></o:p>
قدماى على الآرض و لكنى لم أكن أستطيع المش ! بل كان الموج بيدفعنى الى الآمام !<o:p></o:p>
<o:p></o:p>
و رأ يت أخى على الشاطىء على مسافه معقوله نسبيآ ليرانا ! فابتديت أشاور له و أنده <o:p></o:p>
<o:p></o:p>
عليه و لكن رد فعله كان غريب ! اذ قام بالاشارة لنا بما معناه لآه ؟ و يعطينا ظهره كمن <o:p></o:p>
<o:p></o:p>
سيبتعد عن المكان ؟ فابتديت أنده عليه و أقول له تعالى يا جبان ! و يشهد الله أنه من <o:p></o:p>
<o:p></o:p>
أرجل و أنبل الناس اللى أعرفهم فى حياتى و لكنه كان لا يعرف بالغلب اللى احنا فيه و <o:p></o:p>
<o:p></o:p>
فاكرنا بنهزر !! خلاص لم يعد عندى أى قوة و ابتديت أقع من طولى أنا و أيمن على <o:p></o:p>
<o:p></o:p>
عمق 25 سم و أشرب ميه برده ( ما فيش سيطره ) و عرفت ساعتها معنى اللى بيغرق<o:p></o:p>
<o:p></o:p>
فى شبر ميه يعنى ايه ! و أخيرآ فهم أخى ما حدث من منظرنا ! فاقتحم الماء بملابسه<o:p></o:p>
<o:p></o:p>
و وضع ذراعى على كتف و ذراع أيمن على كتفه الآخر و تقريبآ حملنا الى الشاطىء <o:p></o:p>
<o:p></o:p>
الذى ارتميت عليه زى البساريا التى تحتضر على الشط !<o:p></o:p>
<o:p></o:p>
معلش طولت عليكم بس أنا وعدت أحكى شعورى بالتفصيل ! و علشان أطمنكم ان <o:p></o:p>
<o:p></o:p>
ساعة الموت موش مخيفه ( و قديمآ قالو وقوع البلاء و لا انتظاره ) و نكمل غدآ بأمره !

Dr. Bolbolan ptmnlo123per122<o:p></o:p>