[eman2205]

المشاركة الأصلية كتبت بواسطة أبوحبيبه اشتريت سيارة اسبرانزا تيجو جديدة وقمت بالتأمين عليها بمبلغ وقدره 3000 جنيه (بدون تحمل ) فور شرائها وبعد أربعة أيام من ترخيصها تعرضت السيارة لحادث أثناء وقوفها بجوار الشركة التي أعمل بها. قمت بالاتصال بالأستاذ محمد المنشاوي في الحال فأشار على أن أقوم بإصلاحها في التوكيل حيث أن السيارة جديدة فذهبت بها لتوكيل اسبرانزا وتم معاينة السيارة بواسطة مهندس مصر للتأمين وعمل المقايسة وفوجئت بأنه يجب على أن اسدد قيمة الإصلاح أولا ثم أسترد المبلغ من التأمين وبعد أن أكد لي المذكور أني سأسترد ما سأدفعه كاملا فوجئت بأنه يجب خصم نسبة 10% بسبب الإصلاح في التوكيل ووافقت مجبرا على ذلك وقمت بسداد مبلغ 8424 جنيه قيمة الإصلاح وبعد ذلك ذهبت لمهندس التأمين للمعاينة بعد الإصلاح ثم قمت بتسليم الفاتورة لصرف قيمة الفاتورة ناقصا 10% وبعد مرور أكثر من شهر أرسل إلى شيك بمبلغ 4501 جنيه وعند مناقشته قال لي هي شركة اسرنزا حرامية واجنا مالناش دخل علما بأني أتصلت به عدة مرات بعد المعاينة لمعرفة قيمة المقايسة فلم يعطني إجابة سوى "اللي ح تدفعه ح تاخده" ولما سألت مهندس الاستقبال عن المقايسة قال لي دي حاجة بيننا وبين شركة التأمين مش من حقك تشوفها وأن المقايسة حاجة والفاتورة حاجة تانية. السؤال وإن كنت أعرف إجابته مين اللي نصب عليا محمد المنشاوي (شركة مصر للتأمين ) ولا مهندس الاستقبال (اسبرنزا) وأعمل إيه علشان آخذ حقي علما بأني سأقوم بتقديم شكوى لجمعية حماية المستهلك وشكوى أخرى لهيئة الرقابة على التأمين. عذرا للإطالة وشكرا على سعة الصدر.

بالنسبة لموضوع الاصلاح فى التوكيل ( يخصم 10 % دة صحيح )
اما بالنسبة لموضوع ان الفاتورة 8424 و انت تاخد 4501 دة ازاى
انا عاوزة اعرف هل الوثيقة يوجد بها تحملات ام لا ؟
و لو ممكن تسيب رقم الوثيقة علشان اطلع عليها و ان شاء اللة اقدر افيدك