رد: بخار أبيض طالع من فتحة التكييف
تفسيرى المتواضع إن البخار ده نتيجة دخول الرطوبة فى دورة التبريد و طبعاً الجو اليومين دول رطوبه جداً
يعنى لما حضرتك بتشغل المراوح فقط بتدخل هواء رطب فى دورة التبريد و لما الكومبريسور بيشتغل بخار الماء بيتكثف و بيخرج مع الهواء و نتيجة زيادة تركيز بخار الماء فى الهواء فبيبان فى صورة البخار الأبيض البارد اللى بيخرج فى بداية التشغيل و مع تمام دورة التبريد و تكرار سحب و ضخ الهواء بيتم التخلص من الرطوبة الموجودة فى الصالون و فى حالة وجود رطوبة لأى سبب (فتح الشباك مثلاً) بيتم تكثيف الرطوبة فى مكانها الطبيعى (على زعانف سربنتينة التبريد) و تخرج من صرف المياه
و علشان تتطمن ... جرب تعمل اللى حضرتك قولته مرتين: مرة و إنت فاتح الشباك و مرة تانيه و إنت قافل الشباك حتى لو الكومبريسور مش شغال
يعنى لو شغلت الكومبريسور 10 دقائق ثم بطلته و فضلت قاعد فى العربية و قافل الشبابيك و مشغل المراوح و بعد الفترة اللى حضرتك عادة بتريح فيها الكومبريسور(ربع ساعة مثلاً) شغل الكومبريسور فلو ظهر بخار يبقى موضوع ثقب السربنتينة إحتماله كبير و لو ما ظهرش بخار يبقى الإحتمال قليل ... و ماتنساش إن ده كله و إنت عامل دورة الهواء على الدورة المغلقة علشان تضمن عدم دخول الهواء الخارجى للداخل
__________________
Mohamed Elhasafy Abo Farida
|