[AbOnOrA]

المشاركة الأصلية كتبت بواسطة mmffor ديل الكلب عمره ما يتعدل و لو علقه فيه قالب هو مثل شعبي يدل على ان اللي فيه طبع او داء عمره ما حيغيره حتى لو انضغط عليه لتغييره تعبير مجازي و الله وحده اعلم اني لم اقصد به سباب مباشر يا ريت الادارة تحذف المثل كله من المشاركة و اعتذاري لجميع الزملاء للاخ محمد - ممكن تعليقك على باقي الموضوع؟ و ثم يا جماعه اللي يعرفني يعرف دفاعي المستميت عن التيارات الاسلامية زي الاخوان و السلفيين في كل مواضيعي و مشاركاتي لكنني اختلف معهم كلية في محاولتهم بيع زملاء الكفاح ارضاءا للمجلس العسكري مش عارف انا حاسس ان في لعبة دنيئة بتحصل و في كذب من الطرفين ( المجلس و 6 ابريل ) لكن كما قال المصطفي - صلى الله عليه و سلم - انصر اخاك ظالما او مظلوما, قالوا كيف ظالما يا رسول الله , قال رده عن الظلم يعني احنا نتكلم مع 6 ابريل - نناقشهم - نقنعهم او يقنعونا - لكن نبيعهم كلية كدا يبقى اكبر غلط و اكبر مثل على ان الثورة انهارت - اكلت يوم اكل الثور الابيض مننساش دي

اشكرك على المشاركة اللى ازالت اللبس فى كلام حضرتك وان كنت شخصياً لم اشك فى حسن نواياك وغيرتك على الصالح العام

واتفق معاك فى كل ما قلت وانا شخصياً زيك اميل للتكتل الاسلامى الحالى وشايفة فى حد ذاته فرصة مهمة للم شمل التيارات الاسلامية عموماً واتفق معاك فى ان 6 ابريل ليهم وعليهم بس المشكلة ان اللى حصل ده يخلينا كلنا نتضامن مع 6 ابريل مش نكون ضدهم

وده اللى بيحصل دلوقتى فعلاً المعتصمين فى السويس وفى محافظات تانية نازلين الميدان والاستقطاب هيزيد
وهو ده اللى ضد الثورة وهو ده اللى هيولع البلد

هما عاملين يعملو فتن بين المسلمين والمسيحين والاحزاب والتيارات وبعضها وكان فى ايديهم يوحدو طاقات الشباب ديه كلها لخدمة البلد

اصحو يا جماعة الموضوع مش اهلى وزمالك ودورى وكاس

الموضوع مصلحة عامة ولازم شئنا ام ابينا كلنا نكون متفقين مينفعش جهه تتصدر المشهد وتستبد بالحكم وتتجاهل المطالب واللى مش عاجبة يبقى خاين وعميل