إمبارح بعد صلاة العشاء
روحت بنزينة مصر للبترول على الطريق السريع (القاهرة إسكندرية الزراعى)
عند شركة البترول
مع انى كنت متأكد انها خاوية على عروشها
الطبيعى فى هذا الوقت انها بتكون مفيهاش نقطة بنزين من اى نوع أو نقطة سولار
بس قولت أحاول وأعمل اللى عليا
بصيت عليها من بعيد لاقيت عربيه لانسر جديده واقفه
قولت يبقى فيها بنزبن 92
قولت أدخل أسأل على بنزين 80 وأعمل اللى عليا والباقى على ربنا
سألت العامل وأنا متأكد أن الإجابه ستأتى بالنفى كالعادة
ولكن جائت المفاجأة السعيده أن فيه بنزين 80
الحمد لله مليت بنزين إمبارح
سألت العامل قالى ان فيه حمولة بنزين جت زيادة النهاردة بالليل
ولاحظت أن فيه بعض البنزينات داخل طنطا رايقه نوعا ما
وفيه البعض الآخر عليه طوابير برده
نأمل أن تكون بداية لإنفراج الأزمة