ميكونش من المنوفيه و لا يعرف حد منها
يكون زملكاوى
عنده حساسيه من ميدان مصطفى محمود
ميروحش شرم الشيخ و ميصيفش هناك ممكن يصيف فى كفر الشيخ و يعوم فى الترعه
صور مراته متنزلش على الكتب و المجلات
ما يبداش خطبه بايها الاخوه المواطنون
ميكونش عنده اى ضربه لا اولى و لا تانيه و لا تالته
ما يكونش ابنه مفجير ثوره التحديث و الشباب
ميكونش قام بثوره و لا خارب و الطلع فى شربه جويه
لو عباره غرقت يفلع و ينط و يجيب الناس من الميه
يكون متعلم فى مدارس حكوميه علشان يعرف اد ايه الشعب بيعانى
يتعالج فى التامين الصحى و يقف فى طابور العيش كمان
يكون عنده اكونت على تويتير و فيس بوك غلشان اما نتخنق منه نعمله بلوك
و مايخليش اى مسئول يبدا كلامه بناء على توجيهات السيد الرئيس
م يقعدش فى القصر الجمهورى ياخد شقه ايجار جديد
لازم يقولنا مين اللى كان واقف و را عمر سليمان
مايركبش عربيه مرسيدس سودا
يركب 128 نصر موديل 71 لون ابيض بدون كماليات او تكيف و عاوزه طقم شنبر كمان(علشان يجرب يصرف شويه )
الحرس ميركبوش عربيات يخلوها مشى علشان يعملوا ريجيم
يكون بيكره نتنياهو مش عاوزين نتانه على الصبح الله يقرفوا ايه الصحوبيه دى
يفطر الصبح زى الناس ب 2 جنيه طعميه و 1.75 فول بس من غير سلطه و بعد كده يروح القهوه يظبط نفسه قبل الشغل
ما سقولش عاوز اموت فى مصر يقول اموت فى ليبيا
مايتفرجش على التلفيزيون ممكن راديو (حرام برده )
ما يمسكش موبايل قمر صناعى يشترى موبايل موتورلا مستعمل بحاله جيده
ما يقعدش على كرسى الحكم يفضل واقف جنبه
و علشان نضمن حقنا :
ميغيرش كل حاجه فى البلد باسمه
نمضيه على كمبيالات و نخليها معنا لغايه لما يسيب الحكم
يكون بيكره صفوت الشريف و فتحى سرور
ما يكونش عمره ساق طياره
ما يكونش بيلبس بلوفر او بدله متخيطه باسمه (حاجه تقرف )
و اهم حاجه فى الاخر علشان الشرطه تتظبط يعين
رياض باشا المنفلوطى وزير الداخليه
