السلام عليكم يا أل بروتون
انا عندري عربية ساجا أوتوماتيك الحمد لله عربية حلوة بس أنا مابقتش بروح التوكيل و الصيانة من ال 25000 كم و انا دلوقتي 35000 و بعمل كل حاجة فيها بنفسي ... المهم كنت عايز أعمل فيها شوية حاجات فكنت عايز مساعدتكم.
والله احسن حاجه عملتها وبعدين توكيل بروتون سئ جدا والافضل انك تتابع مع حد تثق فيه بره التوكيل
1- انا عندي لما بدوس فرامل بيحصل حاجتين اولهم ان الدريكسيون بيتهز و ساعات بتكون الهزة جامدة و تاني حاجة لما بتكون فرامل جامدة او فرامل عادية بس معايا وزن بسمع صوت جامد في العربية من تحت ... انا حاولت اقنع نفسي انة تيل فرامل بس مش عارف لية مش مقتنع فياريت حد يفدني ... و لو هاغير تيل اجيب فعلا بتاع الأفيو و لو كدا اجيبة منين و بكام.
بدوس فرامل تحس بهزه ده كدا عندك لوحه في الطنابير حاول تروح عند حد يفهم يخرطهالك وطبعا مقدرش افيدك في الصوت ده الا لما الواحد يسمعه بنفسه والموضوع ملهوش علاقه خالص بالتيل ولما التيل عندك يقرب ينتهي غيره بالنوع جولد الكوري ملهوش حل عن تجربة وانا سئلت بيركب في انواع كتير جدا
2- عندي فوانيس الشبورة الأزاز بتاعهم اللي برة اتكسر معرفش من اية ... المهم كنت عايز أعرف لو في حد ممكن يغيرلي الازاز بس.
في ناس بتغير الازاز بس ممكن تنزل الحرفيين تلاقيه هناك وانتا وحظك لان تقريبا قطع غيار الساجا مش متوفرة في السوق
3- عايز أغير بوجيهات ... فكنت عايز أعرف انا لو ركبت 2 شمعة او 3 شمعة هايكون افضل والا لا و لو افضل هايكون افضل في اية و اية المميزات و اية العيوب و هل لو 3 شمعة هاتزود استهلاك البنزين؟
نصيحة غير البوجيهات بنفس اللي كانت في العربية
4- عارفين طبعا ان بعد فترة من الأستخدام في حاجات في العربية بتشخلل في الأبواب و التابلوة المهم انا عايز اعرف مين احسن حد اظبط عندة الموضوع دا بحيث مايكنش في اصوات جوة.
طبعا الشخلله مش هتعرف تحدد مكانها بس تابع مع عفشجي كل 6 شهور مثلا يربط علي العفشه وروح عند حد بتاع ابواب يربطلك علي البيبان ويبص علي المفصلات بتاعتها
5- بالنسبة للفلاتر انا سمعت انها نفس فلاتر اللانسر هل دا صحيح؟
الله اعلم مقدر افيدك في النقطة ديه بس بردك خلي عربيتك علي حالتها متجبلهاش حاجه من عربية تانية
6- حد يعرف فردة الكاوتش بتاعت الساجا بكام بظبط لو brigestone و لو good year.
يا ريت بس تقولي مقاس الكاوتش عندك كام علشان اقدر افيدك في السعر
يعني لو 13 هتعمل ما بين 320 ل 350 ولو 14 هتعمل من 360 ل400
انا عارف انكم هاتسعدوني ان شاء الله ... و بجد شكرا ليكوا مقدما
و منتظر الردود و شكرا مرة تانية