رد: تقييم الهيونداي أكسنت 1600 كامله اتوماتيك
والله العربيه دى من اراء الناس اللى ركبتها من بدء نزولها فى 2006 عربيه نضيفه جدا ومحدش اشتكى من حاجات جوهريه فيها وانا شايف ان سعرها منافس جدا وتقفيل محترم كورى وشكل مقبول وواسعه وموتور جامد جدا 160 سى سى من نوع CVVT الموفر للوقود وبيدى 112 حصان وبتيجى بتكيف وباور و4 زجاج وراديو CD وسنتر والاتوماتيك بتاعها اكيد مع الاستعمال الجيد وعدم الشد والحرق عليه على طول والصيانه الدوريه وتغيير زيت الجيربوكس فى مواعيده هتعمر وتعيش وعلى فكره دلوقتى فى السعوديه السيارات الشعبيه هى 3 سوناتا / النترا / اكسنت مشفتش حد خليجى ولا سعودى خاصه ماشكرش فى الاكسنت مع انها بتنزل عندهم 1400 واستعمالهم طبعا معروف انهم بيهينوا العربيات ومع ذلك اعتماديتها عاليه جدا
بالنسبه للسعر كويس بالنسبه للفئه دى يعنى 1600 فول اوبشن اتوماتيك تقفيل كورى ب83000 احسن من الافيو اللى 1500 ومصرى وب 84000 تقريبا و هى كمان ارخص من البيرسونا الهاف اوبشن ب3000 والبيرسونا مع انها امده بس لسه جديده شويه والسيريون ب 85000 ال1300 اوتو بس مش كل الناس بتحب شكلها هى الاكسنت واضح انها مناسبه جدا للفئه دى اتكل على الله وربنا يسهل
|