ارجو المساعدة فى زيرو لانسر ولا هيونداى ار بى ولا سيراتو
السلام عليكم ورحمه الله وبركاته
قررت انى انشاء الله على رمضان اللى جاى اشترى عربيه زيرو وعايز رأيكو فمحتار صراحه بين الثلاثه عربيات دول والمبلغ المتاح معايا فى حدود 95 الف ونفسي فى عربيه تستحمل وتعيش ويكون شكلها حديث والصراحه كل عربيه من العربيات التلاته دول فيها مشكلة بالنسبه ليا
أولا اللانسر1600 مانيوال : طبعا عربيه ممتازه بس عيبها ان شكلها بقى قديم شويه مع العلم انى هستلف عشان اكمل فلوسها
ثانيا الهيونداى ار بى مانيوال اول فئه : العربيه شكلها حلو بس انا خايف من الكورى شويه وميزتها ان ثمنها على ادى
ثالثا السيراتو 1600 مانيوال اول فئه : طبعا عربيا شيك وحلوة بس بنسمع عن عيوب فى العفشه وانها بتقلب مش قادر احدد
ارجو من الخبراء مساعدتى فى النوع الكويس واوعدكو انى هعمل تقرير مفصل عن العربيه اول ما اشتريها وياريت تقولولى اشتريها منين برضو التوكيل ولا الموزع لانه ساعات الموزع بيدى اسعار اقل من التوكيل
معلش طولت عليكو بس ارجو المساعده ضرورى
|