المشاركة الأصلية كتبت بواسطة Elawany13
حسبنا الله ونعم الوكيل فى من يستخدم الزينون
ربنا ينتقم منهم
|
ليه كده بس !!
يعني بصراحة حاسك متحامل اوي و بالدعاء بالانتقام منهم يعني !
انا شخصيا مركب زينون بس ركبته امتي !
انا نظري كل عين ناقصه 4.25 و بعد ما عملت كتاوت و جبت اعلي لمبات في السوق و ضعفت و رحت اشتريت لمبات ب 100 جنيه من توكيل اوسرام في مدينة نصر و انا ساكن في المريوطية !! شايف المسافة ! كل ده في محاولات لتفادي اني اركب زينون ! و لما لقيت اللمبات مش مساعدة خصوصا ان نظري كل مدي في ضعف لدرجة اني كنت هدوس واحد لاني مشفتوش تماما ! ركبت زينون !
و مع كل ده مش بنوره في الطرق الداخلية و جبتله فوانيس بعدسات مخصوص عشان النور يبقي ملموم و ميضايقش الناس و بنوره علي الطرق السريعة بس اما داخل البلد بمشي بالاصفر لانه اقوي من الاصفر بتاع اللمبات العادية ! يعني الحمد لله انا حريص علي الناس يعني عشان محدش يتأذي و لو نورته و نسيته و انا ماشي اول ما حد بيشتكي منه بطفيه !
بصراحة الدعاء بالانتقام ده صعب اوي يعني انك تدعيه علي حد و تعمم علي كل اللي مركبينه و تحسبن عليهم فا حبيت اقولك ان مش كل الناس بتستخدم الزينون استخدام عشوائي و فيه ناس مركبينه اضطرارا لضعف بصرهم لان نوره قوي و بيدي اضاءة احسن 1000 مرة من اللمبات العادية فا رجاءا يعني توخي الحذر في الدعاء بالذات لحسن يصيب