اختطاف اسلام جلال .... و كلبشه احمد انور ..
قبل ما تتخضو بس احب اطمنكم انها مش مؤامره للتخلص من مراقبين مصر موتورز
لكن فعلا اسلام جلال تم اختطافه بالامس ... كما تم كلبشه احمد انور ...
علشان بس محدش قلبه يقع هما بخير حاليا ... و احمد انور بيشارك في المنتدى .. لكن اسلام جلال مش ظاهر .. وربنا يسهل ويرجع اسكندريه بالسلامه ..
البدايه ...
زميلنا العزيز اسلام جلال جه القاهره يومين للشغل و عرفنا انه موجود فقلنا لازم نقابله
المهم اتصالات و ماسنجر و لف ورا بعض ... اتفقنا على يوم التلات بالليل الساعه 10
لكن متفقناش على المكان ptmnlo123per118
اسلام جلال من اسكندريه ... وبالتالي مفكرناش نسأله يحب يقعد فين
انا قابلت الناس مره واحده و قلت اكيد هما اتقابلو قبل كده كتير و ليهم (الخن بتاعهم ) ...قصدي مكان مفضل يحبو يتقابلو فيه .. ptmnlo123per1105
كلمت سومو يوم الاتنين و قلت له يختار المكان ونأكد على بعض
عاده مواعيدي كويسه وانا نازل من 6 اكتوبر ( المحافظه مش الكوبري) كلمت احمد انور رد علي احمد كار ... عادي .. واهو كله فيرنا ... ptmnlo123per156
المهم فين يا شباب .. احنا على 6 اكتوبر ( الكوبري مش المحافظه)
نتقابل فين ... محدش عارف .. ptmnlo123per137
كلمت سومو .. فين يا سومو ؟؟ ptmnlo123per1100
انا مستني ايمن عبد الرازق يعدي عليا و نيجي ... فين يا سومو ...قالي .. المهندسين ptmnlo123per1131
وهنا طقت في دماغي الفكره .. ptmnlo123per116
انا اخطف اسلام جلال .. و اللي عايزه يدور علينا ...ptmnlo123per161
وصلت لأسلام تحت الفندق و كلمته .. و سبحان الله اول ما خرج من باب الفندق عرفته بالرغم اني عمري ما شفته قبل كده و لا صوره حتى ...
لكن فعلا دماثه الخلق و الهدوء والحكمه اللي في كتاباته ...
سماهم على وجوههم
هو عرفني من صوره البروفايل ... لأن كتاباتي و براءه الاطفال و العفرته غير شكلي ( انا جامد جدا على الحقيقه )ptmnlo123per181
المهم ركبنا العربيه و كنت حخطف اسلام
لكن اكتشفت ان احمد انور و احمد كار تايهين في الدقي ...
وان ميدان الجلاء و فندق الشيراتون و قسم الدقي بالنسبه ليهم اماكن هلاميه ذات اشكال شفافه غير مرئيه ...ptmnlo123per16
صعبو عليا و قررت اخطفهم هما كمان طالما طلعو غلابه كده ... و زياده الخير خيرين
برضو الفديه عن المراقب العام غير لما يبقى معاه عضو لامع و مشرف ...
يمكن اطلب 5 الاف نقطه زياده كمان و لا حاجه ...ptmnlo123per135
بس بيني و بينكم كان عندي قناعه داخليه انهم حيبقوا عارفين مكان كويس نقعد فيه ... فقلت استناهم و فرصه استفرد باسلام شويه
التعارف و الكلام و طبعا هو عارف الناس من زمان ... و قلت له امال انتو بتقعدو فين عاده ..
قالي انا اول مره اقابل الناس و الوحيد اللي قابلته قبل كده سومو في اسكندريه ..
بصراحه كانت مفاجاءه من العيار الثقيل و زلزال مدمر من بتوع اخبار السيارات و اعصار اسيوي من ملحق الاهرام .. ptmnlo123per178
يعني تاخد الخضه و بعدين تلاقي الموضوع عادي جدا ... ptmnlo123per160
في لحظه فكرت فيها ... انا حاسس اني اعرف اسلام من زمان .. مع اني بالمنتدى مفيش من كام شهر و دي اول مره اشوفه ...
يبقى طبيعي جدا لما احس ان كل الناس عارفاه كويس و بتحبه مع انها مشافتوش قبل كده
سبحان الله ... وله في خلقه حكم
وصل التايهين ... قصدي الاحمدين .... ptmnlo123per1147
و اتفقنا نمشي وراهم لحد ما يلاقو مكان نقعد فيه
تهنا ورا بعض شويه و كان احمد انور يكلمني من الموبايل اجي جنبه وارد عليه من الشباك ptmnlo123per177
وكلمني ايمن عبد الرازق و قلت له اول ما نستقر في مكان حقوله احنا فين يجيلنا عليه ptmnlo123per1140
وطبعا تهنا شويه و لحد ما قرر احمد انور نقعد في شارع 26 يوليو و تقريبا افتكر ذكريات ايام الكليه .. الفنون الجميله ..ptmnlo123per17
مشيت وراه و عند تقاطع 26 يوليو مع محمد كظهر دخل في اول مكان فاضي قدامه ptmnlo123per117
دخلت قدام شويه لحد ما لقيت مكان كويس و ركنت و رجعت ptmnlo123per148
وقعدنا على قهوه على ما اتذكر يعني .. افتكر كده ان ملهاش اسم ptmnlo123per119
ومفيش حد فيها قاعد الا وفي ايده شيشه ... ptmnlo123per130
واول ما قعدنا على الكراسي قبل حتى ما نسند ضهرنا ظهر لنا القهوجي تشربو ايه ..ptmnlo123per143
معسل ... تفاحه ...
انا خفت بصراحه اطلب حاجه تانيه .. فقلت ... تفااااحه ..ptmnlo123per1118
لكن اسلام تجرأ و قال شاي بنعناع .. القهوجي قاله ايه ... ptmnlo123per195
فإستعاد توازنه و قالو شااااي ... ptmnlo123per185
و عدت على خير ptmnlo123per192
في اقل من دقيقه كان في ايدي اللاي و المبسم واصل الشيشه ..
شيشه تفاحه اصلي من بتوع زمان ptmnlo123per175
حاجه كده زي .... شيكولاته كوفرتينا ...
صابون نابلسي شاهين ...
الطعم الاصلي للشيشه ... ptmnlo123per162
واخيرا حضر سومو و ايمن عبد الرازق في سياره سبيرانزا 620 ptmnlo123per147
وقبل ما اي حد يقول اي حاجه لحقنا ايمن انها عربيه حماه وان عربيته بتتصلح
انا عارف اني طولت اوي عليكم .....ptmnlo123per115
انا حسيب كل واحد من الزملا يحكي الحته بتاعته
لأن القاعده كانت جميله جميله جميله ....
ومكناش عايزين نروح
واتكلمنا كتير في موضوعات مختلفه و الكلام جاب بعضه
ومكناش عايزين نقوم ...
برغم الارهاق و التعب والرغبه الشديده في النوم ... ptmnlo123per1101
والناس كلها قامت من على القهوه
واتلمت الكراسي و الدنيا ضلمت
والشارع فضي ptmnlo123per194
وجه القهوجي يتحاسب و قام ايمن عبد الرازق بالليله ptmnlo123per1124
وكل واحد قال اللي شربه لكن واحد صاحبنا معرفش يعد كام حجر شيشه ptmnlo123per1106
بس هو لقى جنبه 3 حجره على الشيشه و كان في 5 من امبارح لأننا بقينا تاني يوم الفجرptmnlo123per1127
ومره واحده احمد كار بص لبعيييييد و قال لاحمد انور ... عربيتك اتكلبشت ...ptmnlo123per169
العربيه بعيده خالص .. بينها و بينا يمكن 80 او 100 متر لكن الشارع فاضي تماما
اخيرا اضطرينا نقوم علشان نشوف العربيه
طلعت مركونه على خطوط عبور المشاه ...ptmnlo123per191
متهيألي كفايه عليا رغي كده ptmnlo123per167ptmnlo123p er167
و اترك الميكرفون للزملا يحكو شويه ...
اسيبكم مع الصور ...
اسلام جلال بعد الاختطاف
اسلام ممسكا بالشيشه مبتسما .. بعد التعذيب و التهديد والوعيد .. والعين الحمرا
سومو .. احمد أنور .. بعد نجاح خطه اختطاف اسلام و تدريبه على الاعمال الشيشاويه
كلبشه عربيه احمد انور (عداله السماء )
احمد كار وحركه راقصه من برنامج
so you think you can dance
من اليمين
سامح رمزي - وائل (صديق اسلام جلال ) - اسلام جلال - كشاف عربيه رخم مش في وقته خالص - ايمن عبد الرازق - احمد انور - احمد كار - فيرنا 2007
كان المفروض يحضر معانا اتنين من المشاهير في المنتدى
بس في واحد كان عنده مشكله في البنتا كوور ... ptmnlo123per197
و التاني لم يستدل على تليفونه .. مع انه شخصيه مشهوره جدا ptmnlo123per193
نورتنا يا اسلام باشا .. ونشوفك دايما على خير ptmnlo123per122